80-90 ના દાયકાના ચાર સ્ટાર દેખાશે એકસાથે, બોક્સ ઓફિસ પર આગ લગાવવાની થઇ રહી છે તૈયારી
80ના દાયકાના રિયુનિયનને ફરી એકવાર મોટા પડદા પર જોવા માટે તૈયાર થાઓ, કારણ કે ચાર દિગ્ગજ કલાકારોની જોડી આવી રહી છે. સની દેઓલ, જેકી શ્રોફ, મિથુન ચક્રવર્તી અને સંજય દત્ત એક્શન-થ્રિલર ફિલ્મ માટે સાથે આવી રહ્યા છે. ફિલ્મનું શૂટિંગ શરૂ થઈ ગયું છે. જો કે હજુ સુધી ફિલ્મનું નામ જાહેર કરવામાં આવ્યું નથી. 80 અને 90ના દાયકામાં મોટા પડદા પર રાજ કરનારા આ ચાર સ્ટાર્સ એકસાથે આવી રહ્યા છે. મેકર્સે ફિલ્મનો આ તમામનો ફર્સ્ટ લૂક રિલીઝ કર્યો છે, જેની ચર્ચા દૂર દૂર સુધી થઈ રહી છે.
ચારેયનો ફર્સ્ટ લૂક શેર કરતા સંજય દત્તે કેપ્શનમાં લખ્યું, બાપ ઓફ ઓલ ફિલ્મ્સ.. શુટ ધમાલ, દોસ્તી બેમિસાલ. આ ફોટોમાં તમામ સ્ટાર કેમેરામાં એકસાથે ખૂબ જ ઇન્ટેન્સ લુક આપતા જોવા મળે છે. સૌથી પહેલા જો આપણે મિથુન ચક્રવર્તીના લુકની વાત કરીએ તો તે જોઈ શકાય છે કે અભિનેતાએ હાફ સ્લીવ લેધર જેકેટ પહેર્યું છે. કેપ પહેરી છે. કપાળ પર તિલક છે. ગળામાં મફલર છે. બીજા લુકની વાત કરીએ તો તે સની દેઓલનો છે.
સની દેઓલે નારંગી અને સફેદ કેદીનો ડ્રેસ પહેર્યો છે. તેના લાંબા વાળ છે અને કપાળ પર સફેદ પટ્ટી બાંધેલી છે. સની એકદમ ઇન્ટેન્સ લુકમાં જોવા મળી રહી છે. શર્ટ પર કેદી નંબર 22 પણ લખેલું છે. એટલે કે આ ફિલ્મમાં સની દેઓલ એક કેદીના રોલમાં જોવા મળવાનો છે. આ તો ડ્રેસ જોઈને ખબર પડે છે. ત્રીજો લુક સંજય દત્તનો છે, જે સનીના ખભા પર હાથ મૂકી રહ્યો છે. બ્રાઉન જેકેટ અને બ્લેક પ્લેન ટી-શર્ટ અને જીન્સમાં અભિનેતાના ચહેરા પર ટશન દેખાઈ રહ્યો છે.
ચોથો અને છેલ્લો લુક જેકી શ્રોફનો છે. ગળામાં સ્કાર્ફ. ખાકી પ્રિન્ટ જેકેટ. જેકી શ્રોફ હાઈ હીલ્સ લેધર શૂઝ અને ટપોરી લુકમાં જોવા મળે છે. જેકી તેનો સીધો હાથ સંજય દત્તના ખભા પર રાખી રહ્યો છે. જેકી શ્રોફે થોડા મહિના પહેલા આ પ્રોજેક્ટ વિશે જણાવ્યું હતું. ચારેય કલાકારોનો ફોટો શેર કરતા જેકીએ લખ્યું કે જહાં ચાર યાર મિલ જાયે, અરે ચોથા કિધર હૈ ભીડુ, તુમ તો પહેલી દિન હી બંક કરકે બેઠે હો. પાજી, કીધર હો તુમ? તે સમયે પણ આ પ્રોજેકટને લઈને ભારે ચર્ચા થઇ હતી. કહેવામાં આવી રહ્યું છે કે આ ફિલ્મને અહમેશ ખાન ઝી સ્ટુડિયો સાથે મળીને પ્રોડ્યુસ કરશે. આ ફિલ્મ બંનેની કોલાબોરેશન ફિલ્મ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp