ગૃહ મંત્રાલયે મનમોહન સિંહના અંતિમ સંસ્કારનો કાર્યક્રમ કર્યો જાહેર

Manmohan Singhs Death Update: પૂર્વ વડાપ્રધાન મનમોહન સિંહના અંતિમ સંસ્કાર શનિવારે (27 ડિસેમ્બર 2024) દિલ્હીના નિગમબોધ ઘાટ ખાતે સવારે 11:45 વાગ્યે કરવામાં આવશે. ગૃહ મંત્રાલય દ્વારા અંતિમ સંસ્કારનો કાર્યક્રમ જાહેર કરવામાં આવ્યો છે. રાષ્ટ્રપતિ દ્રૌપદી મુર્મુ, ઉપરાષ્ટ્રપતિ જગદીપ ધનખરડ, વડાપ્રધાન નરેન્દ્ર મોદી અને ઘણા મંત્રીઓ અંતિમ સંસ્કારમાં ભાગ લેવા નિગમબોધ ઘાટ પહોંચશે.

કોંગ્રેસના મહાસચિવ કે.સી. વેણુગોપાલે માહિતી આપી હતી કે તે શનિવારે, 28 ડિસેમ્બરના રોજ સવારે 9:30 વાગ્યે દિલ્હીમાં AICC (ઓલ ઈન્ડિયા કોંગ્રેસ કમિટી)ના મુખ્યાલયથી નિગમબોધ ઘાટ માટે રવાના થશે. 

પૂર્વ વડાપ્રધાન ડૉ.મનમોહન સિંહના નિધન પર રાષ્ટ્રીય શોકના કારણે શનિવારે રાષ્ટ્રપતિ ભવન ખાતે યોજાનાર ગાર્ડ પરિવર્તન સમારોહ નહીં યોજાય. આ લશ્કરી પરંપરા છે. આમાં રાષ્ટ્રપતિના અંગરક્ષકોનું એક જૂથ બીજા જૂથ પાસેથી ચાર્જ લે છે. દર અઠવાડિયે તેનું આયોજન કરવામાં આવે છે. પૂર્વ વડાપ્રધાનના માનમાં દેશભરમાં 7 દિવસનો રાષ્ટ્રીય શોક જાહેર કરવામાં આવ્યો છે. આ સમયગાળા દરમિયાન દેશભરમાં રાષ્ટ્રધ્વજ અડધો ઝૂકેલો રહેશે. કેસી વેણુગોપાલે એમ પણ કહ્યું હતું કે સરકાર પૂર્વ વડાપ્રધાનનું સ્મારક બનાવવા માટે જમીન પણ શોધી શકી નથી. આ દેશના પ્રથમ શીખ વડાપ્રધાનનું અપમાન છે.

કેન્દ્રની મોદી સરકારે કોંગ્રેસ પાર્ટી પર આ મુદ્દે રાજનીતિ કરવાનો આરોપ લગાવ્યો છે. સત્તાવાર સૂત્રોએ જણાવ્યું છે કે પૂર્વ વડાપ્રધાન મનમોહન સિંહના સન્માનમાં સ્મારક બનાવવાનો નિર્ણય લેવામાં આવ્યો છે. જોકે, સ્મારક બનાવવા માટે યોગ્ય જગ્યા શોધવામાં થોડા દિવસો લાગશે. એક સરકારી સૂત્રએ જણાવ્યું હતું કે, "કોંગ્રેસને મનમોહન સિંહના સન્માનમાં સ્મારક બનાવવાના સરકારના નિર્ણય વિશે જાણ કરવામાં આવી છે. પરંતુ તેઓ આ મુદ્દે રાજકારણમાં લાગી ગયા છે."

પૂર્વ વડાપ્રધાન મનમોહન સિંહના નિધન બાદ કોંગ્રેસ નેતા મલ્લિકાર્જૂન ખડગેએ વડાપ્રધાન મોદીને પત્ર લખ્યો હતો. તેમણે લખ્યું છે કે તેમનું સ્મારક એ જ જગ્યાએ બનાવવું જોઈએ જ્યાં પૂર્વ વડાપ્રધાનના અંતિમ સંસ્કાર થાય છે.

મનમોહન સિંહ, જેઓ એક સાધારણ પૃષ્ઠભૂમિમાંથી આવ્યા હતા અને વિભાજનની પીડાનો અનુભવ કર્યો હતો, અને તેમના નિશ્ચયને કારણે, વિશ્વના અગ્રણી રાજકારણીઓમાંના એક બન્યા હતા. તેને ધ્યાનમાં રાખીને, મને આશા છે અને વિશ્વાસ છે કે "રાજકીય કદને ધ્યાનમાં રાખીને ડૉ. મનમોહન સિંઘના અંતિમ સંસ્કાર એવા સ્થળે કરવાની ઉપરની વિનંતી સ્વીકારવામાં આવશે જ્યાં તેમનું સ્મારક બની શકે."