ગોવાની લૈરાઈ દેવી મંદિરમાં કોની થાય છે પૂજા, શું છે જાત્રાનું મહત્ત્વ?
Lairai Devi Temple: ભારતને મંદિરોના દેશ તરીકે ઓળખવામાં આવે છે. તેમાં ઘણા પ્રાચીન મંદિરો છે. જેમાં કેટલાક એવા દેવી-દેવતાઓ છે જેમના બાબતે ઘણા ઓછા લોકો જાણે છે અને તેમની પૂજા પણ કેટલીક જ જગ્યાએ થાય છે. આવું જ એક મંદિર છે જ્યાં લૈરાઈ દેવીની પૂજા થાય છે. લૈરાઈ મંદિરમાં દર વર્ષે એક વાર્ષિક ધાર્મિક યાત્રાનું આયોજન કરવામાં આવે છે. શુક્રવારે મોડી રાત્રે આ યાત્રામાં ભાગદોડ મચી ગઈ હતી જેમાં 7 લોકોના મોત થઈ ગયા અને લગભગ 30 કરતા વધુ લોકો ઇજાગ્રસ્ત થયા હોવાનું જાણવા મળ્યું છે.
લૈરાઈ દેવી મંદિર, લૈરાઈ દેવીને સમર્પિત છે. તે એક પૂજનીય હિન્દુ દેવી છે, જેની પૂજા મુખ્યત્વે દક્ષિણ ગોવામાં સ્થિત શિરોડા ગામમાં થાય છે. તેઓ સ્થાનિક લોકો અને આસપાસના વિસ્તારોમાં રહેતા લોકો માટે એક મહત્ત્વપૂર્ણ આધ્યાત્મિક કેન્દ્ર છે. દેવીને શક્તિ, રક્ષક અને ઉર્વરતાના પ્રતિક માનવામાં આવે છે. લૈરાઈ દેવી ઉત્સવ દરમિયાન આ મંદિર યાત્રાળુઓ માટે આકર્ષણનું કેન્દ્ર બને છે. આ તહેવાર સામાન્ય રીતે માર્ચ મહિનામાં ખૂબ જ ઉત્સાહ અને ભક્તિ સાથે ઉજવવામાં આવે છે.
લૈરાઈ દેવીને લઈને ગોવામાં ઘણી કહાનીઓ પ્રચલિત છે. એક દંતકથા અનુસાર, લૈરાઈ દેવી 7 બહેનો અને એક ભાઈની કહાનીછે. જે હાથી પર સવાર થઈને પૃથ્વી પર પહોંચ્યા, ત્યારે લૈરાઈને આ જગ્યા લધારે પસંદ ન આવી કે તેમણે શિરગાંવ નામના સ્થળે સ્થાયી રહેવાનો નિર્ણય લીધો. એકવાર લૈરાઈ પોતાના ભાઈ પર ગુસ્સે થઈ ગયા કારણ કે તે રસોઈ માટે લાકડા લાવ્યો નહોતો. તેમણે તેને લાત મારી, પરંતુ પછી તેમને ખરાબ લાગ્યું. તેના માટે તેમણે માફી માગવા માટે અગ્નિમાંથી પસાર થવાનું ચાલુ કર્યું. આ કૃત્ય એક પરંપરા બની ગયું અને દર વર્ષે શિરગાંવ જાત્રામાં ઉજવવામાં આવે છે.
ગોવામાં લૈરાઈ દેવી જાત્રા ગોવામાં દેવીના સન્માનમાં ઉજવવામાં આવે છે. લૈરાઈ તહેવાર દરમિયાન ઘણા લોકો ઉજવણી કરવા માટે ભેગા થાય છે અને દેવીની વિશેષ પૂજા અને અનુષ્ઠાન કરવામાં આવે છે. દર વર્ષે વૈશાખ શુક્લ પંચમીના દિવસે લૈરાઈ દેવીની જાત્રાનું આયોજન કરવામાં આવે છે. જેમાં લગભગ 15 ફૂટ પહોળી, 15 ફૂટ લાંબી અને 21 ફૂટ ઊંચી અગ્નિવેદી તૈયાર કરવામાં આવી છે. દેવીના અંગારા પર ચાલવાની યાદમાં, ભક્તો પણ આ વેદીઓના અંગારા પર ચાલે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp