GEN-Z સામે ઝૂકી નેપાળ સરકાર, સોશિયલ મીડિયા પરથી હટાવવું પડ્યું બેન, PM ઓલી બોલ્યા- ‘અમે પ્રતિબંધોની મંશા...’

નેપાળ સરકારે સોશિયલ મીડિયા પર પ્રતિબંધ હટાવી લીધો છે. માહિતી અને  સંદેશાવ્યવહાર તકનીકી મંત્રી પૃથ્વી સુબ્બા ગુરુંગે જણાવ્યું હતું કે સોમવારે (8 સપ્ટેમ્બર 2025) યોજાયેલી કેબિનેટની બેઠકમાં સોશિયલ મીડિયાથી પ્રતિબંધ હટાવવાનો નિર્ણય લેવામાં આવ્યો હતો. જો કે, મંત્રી ગુરુંગે કહ્યું કે, સોશિયલ મીડિયા પર પ્રતિબંધ મૂકવાના નિર્ણય અંગે સરકારને કોઈ દિલગીરી નથી.

તેમણે કહ્યું કે, ‘સોશિયલ મીડિયાથી પ્રતિબંધ હટાવવાનો નિર્ણય એ વિરોધ પ્રદર્શનને કારણે લેવામાં આવ્યો છે જે તેનો બહાનું તરીકે ઉપયોગ કરી રહ્યા હતા.’ વડાપ્રધાને કેબિનેટને જણાવ્યું હતું કે પ્રતિબંધિત કેટલાક સોશિયલ મીડિયા પ્લેટફોર્મ દ્વારા આ પ્રકારનો પ્રતિસાદ આપ્યો છે, જે નેપાળના રાષ્ટ્રીય ગૌરવને માન આપતો નથી.

નેપાળના પ્રતિબંધના વિરોધ પ્રદર્શનમાં ઓછામાં ઓછા 21 લોકોના મોત થયા છે અને 300થી વધુ ઇજાગ્રસ્ત થયા છે. નેપાળના સંદેશાવ્યવહાર, માહિતી અને પ્રસારણ મંત્રી પૃથ્વી સુબ્બા ગુરુંગે જાહેરાત કરી હતી કે કેબિનેટની કટોકટીની બેઠક બાદ સરકારે સોશિયલ મીડિયા સાઇટ્સ પર પ્રતિબંધ મૂકવાનો નિર્ણય પાછો ખેંચી લીધો છે. ગુરુંગે કહ્યું કે માહિતી મંત્રાલયે સંબંધિત એજન્સીઓને ‘GEN-Z' જૂથની માગ અનુસાર સોશિયલ મીડિયા સાઇટ્સ ફરીથી શરૂ કરવાની પ્રક્રિયા શરૂ કરવા આદેશ આપ્યો છે, જેણે કાઠમંડુની મધ્યમાં સંસદની સામે મોટા પ્રમાણમાં વિરોધ કર્યો હતો.

3 દિવસ અગાઉ, નેપાળ સરકારે ફેસબુક અને 'X' સહિત 26 સોશિયલ મીડિયા સાઇટ્સ પર પ્રતિબંધ મૂકવાનો આદેશ આપ્યો હતો, કારણ કે તે કોઈ કાયદેસર નોંધણી વિના કામ કરી રહી હતી. મંત્રીએ વિરોધ પ્રદર્શનને સમાપ્ત કરવા વિરોધ કરનારા 'GEN-Z' જૂથને વિનંતી કરી. પ્રત્યક્ષદર્શીઓએ જણાવ્યું હતું કે જ્યારે કેટલાક વિરોધીઓ સંસદ સંકુલમાં પ્રવેશ્યા ત્યારે સોમવારે વિરોધ પ્રદર્શન હિંસક બન્યું હતું. ત્યારબાદ, પોલીસે ભીડને વિખેરવા માટે પાણીના વરસાદ, ટીઅર ગેસ અને ગોળીઓનો ઉપયોગ કરવો પડ્યો. આ દરમિયાન, સોમવારની રાતથી ફેસબુક, X અને વોટ્સએપ જેવી સોશિયલ મીડિયા સાઇટ્સ ફરી શરૂ થઈ છે.

 સોશિયલ મીડિયા પર સરકાર દ્વારા લાદવામાં આવેલા પ્રતિબંધ અંગેની તર્ક આપતા વડાપ્રધાન ઓલીએ જણાવ્યું હતું કે સોશિયલ મીડિયાને કારણે સમાજમાં વધતા જતા અનિચ્છનીય કાર્યને અટકાવવાના ઉદ્દેશથી છેલ્લા એક વર્ષથી નેપાળમાં રજિસ્ટર્ડ કરવવાની વાત કહેવામા આવી રહી છે. આ દરમિયાન, સરકારે સોશિયલ મીડિયાના નિયમન અંગે સુપ્રીમ કોર્ટ દ્વારા આપવામાં આવેલા આદેશને કારણે આ પ્રતિબંધ લાદ્યો હતો.

ઓલીએ કહ્યું કે સરકાર પોતાની મંશા સ્પષ્ટ કરી શકી નથી, જેના કારણે દુર્ભાગ્યપૂર્ણ ઘટનાઓ થઈ. તેમણે એ પણ સ્પષ્ટ કર્યું કે સરકારનો હેતુ ક્યારેય સોશિયલ મીડિયાને સંપૂર્ણપણે બંધ કરવાનો નથી. વડાપ્રધાન ઓલીએ વિરોધીઓને અપીલ કરી કે સોશિયલ મીડિયાને ફરીથી ખોલવાની પ્રક્રિયા શરૂ થઈ છે, તેથી રસ્તાઓ પર ઉતારવાની જરૂર નથી.