Video: મુંબઈથી કોલકાતા જતી IndiGoની ફ્લાઇટમાં એક યાત્રીએ બીજાને માર્યો લાફો
Passenger slapped on Mumbai-Kolkata flight: શુક્રવારે મુંબઈથી કોલકાતા જઈ રહેલી ઈન્ડિગોની ફ્લાઈટમાં એક મુસાફરે બીજા મુસાફરને લાફો મારી દીધો હતો. સૂત્રએ જણાવ્યું હતું કે આ ઘટના ફ્લાઈટ નંબર 6E138માં બની હતી અને વિમાન કોલકાતા એરપોર્ટ પર ઉતર્યા બાદ, આરોપી મુસાફરને સુરક્ષા ટીમને સોંપવામાં આવ્યો હતો.
વિમાનમાં સવાર લોકોની સંખ્યા તાત્કાલિક જાણી શકાયી નથી. મુસાફરે બીજા મુસાફરને શા માટે લાફો માર્યો તેનું કારણ પણ જાણી શકાયું નથી. આ ઘટનાને લગતો એક વીડિયો સોશિયલ મીડિયા પર વાયરલ થયો હતો, જેમાં પોતાની સીટ પર બેઠેલા એક મુસાફર અચાનક બીજા મુસાફરને થપ્પડ મારતા જોઈ શકાય છે. ઘટના બાદ, બીજો મુસાફર રડવા લાગ્યો અને તેને સ્થળ પરથી હટાવી દેવામાં આવ્યો.
समाज पूरी तरह सड़ चूका है pic.twitter.com/l03axtIqSc — Adil siddiqui (azmi) (@adilsiddiqui7) August 1, 2025
समाज पूरी तरह सड़ चूका है pic.twitter.com/l03axtIqSc
આ ઉપરાંત, વીડિયોમાં, એક ક્રૂ મેમ્બર સીટ પર બેઠેલા મુસાફરને કહેતા સાંભળી શકાય છે કે 'આમ ના કરો', જ્યારે અન્ય એક મુસાફર પૂછી રહ્યો છે કે તેણે શા માટે થપ્પડ મારી અને તેને કોઈને મારવાનો કોઈ અધિકાર નથી. એક મુસાફરે એવું પણ કહ્યું હતું કે જે વ્યક્તિ મારવામાં આવ્યો હતો તે ગભરાઈ ગયો હતો. જોકે, ઘટના કયા સમયે બની તે તાત્કાલિક જાણી શકાયું નથી. આ ઘટના 'એરબસ A321' વિમાનમાં બની હતી.
ઈન્ડિગોએ ટ્વીટર પર આ બાબતે ટ્વીટ કરતા કહ્યું કે, ‘અમે અમારી એક ફ્લાઇટ પર હુમલાની ઘટનાથી વાકેફ છીએ. આવું અભદ્ર વ્યવહાર પૂરી રીતે અસ્વીકાર્ય છે અને અમે અમારા મુસાફરો અને ક્રૂની સુરક્ષા અને ગરિમા સાથે સમાધાન કરતા કોઈપણ કૃત્યની સખત નિંદા કરીએ છીએ. અમારા ક્રૂએ સ્થાપિત માનક સંચાલન પ્રક્રિયાઓ અનુસાર કાર્ય કર્યું. સંબંધિત વ્યક્તિને અભદ્ર વ્યક્તિ તરીકે ઓળખવામાં આવી હતી અને આગમન પર સુરક્ષા અધિકારીઓને સોંપવામાં આવ્યો હતો. પ્રોટોકોલ મુજબ, બધી સંબંધિત નિયમનકારી એજન્સીઓને યોગ્ય રીતે જાણ કરવામાં આવી છે. અમે અમારી બધી ફ્લાઇટ્સ પર સુરક્ષિત અને સાનમંજનક વાતાવરણ બનાવી રાખવા માટે પ્રતિબદ્ધ છીએ.’
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp