અમેરિકામાં કેટલા વસ્યા છે ભારતીય હિન્દુ? જાણો વાર્ષિક કેટલી કમાણી છે, સર્વેમાં થયો ખુલાસો
અમેરિકામાં એક સારી એવી વસ્તી ભારતીય મૂળના અમેરિકન નાગરિકોની છે. આ જ ભારતવંશી નાગરિકોને લઈને અમેરિકન થિંક ટેન્ક પ્યૂ (Pew)એ એક સર્વે કર્યો છે, જેનાથી ખબર પડી છે કે પોતાને ભારતીય બતાવનાર એશિયન મૂળના લગભગ અડધા અમેરિકન નાગરિકોનું કહેવું છે કે તેઓ હિન્દુ ધર્મનું પાલન કરે છે. તેની સંખ્યા 48 ટકા છે. અમેરિકન થિંક ટેન્ક પ્યૂ રિસર્ચ સેન્ટરના સર્વેમાં સામેલ 48 ટકા ભારતીય મૂળના અમેરિકન હિન્દુ છે. આ આંકડો 2012માં થયેલા સર્વેના લગભગ સમાન જ છે.
અમેરિકન થિંક ટેન્ક પ્યૂ રિસર્ચ સેન્ટર સર્વેમાં સામેલ 48 ટકા ભારતીય મૂળના અમેરિકન હિન્દુ છે. આ આંકડો વર્ષ 2012માં થયેલા સર્વેની લગભગ સમાન છે. એ સમયે ભારતીય મૂળના 51 ટકા અમેરિકન નાગરિકોએ પોતાને હિન્દુ કહ્યા હતા. સર્વેમાં કહેવામાં આવ્યું હતું કે એશિયન મૂળના 10 અમેરિકન નાગરિકોમાંથી એક હિન્દુ ધર્મનું પાલન કરી રહ્યા છે. એ સિવાય એશિયન મૂળના 6 ટકા અમેરિકન એવા છે જે પોતાને હિન્દુ ધર્મની ખૂબ નજીક માને છે. કુલ મળીને કહીએ તો બે તૃતીયાંશ ભારતવંશી અમેરિકન નાગરિકોએ અથવા તો પોતાને હિન્દુ કહ્યા છે કે પછી તેમણે હિન્દુ ધર્મ પ્રત્યે ઝુકાવનો ખુલાસો કર્યો છે.
પ્યૂના સર્વેમાં સામેલ એશિયન મૂળના અમેરિકન હિન્દુઓમાંથી એક તૃતીયાંશને લાગે છે કે તેમની જિંદગીમાં ધર્મનું વિશેષ મહત્ત્વ છે. તેમાંથી 38 ટકા લોકોએ ધર્મને જરૂરી બતાવ્યો છે. સર્વેથી ખબર પડી છે કે 31 ટકા લોકોનું કહેવું છે કે તેઓ મહિનામાં ઓછામાં ઓછી એક વખત પૂજા કરે છે. સર્વેમાં સામેલ એશિયન મૂળના અમેરિકન નાગરિકોમાં એવા હિન્દુઓની સંખ્યા સૌથી વધુ છે, જે ઘર પૂજા માટે મંદિર, તસવીરો કે પછી ધાર્મિક પ્રતિકોનો ઉપયોગ કરે છે. તેમાંથી 79 ટકા લોકો તેનું પાલન કરે છે. તેમાં ધર્મને પ્રાથમિકતા આપનારા હિન્દુઓની સંખ્યા 89 ટકા થઈ છે.
એશિયન મૂળના અમેરિકન હિન્દુઓમાં લગભગ 92 ટકાનો જન્મ અમેરિકાથી બહાર થયો છે. જ્યાં સુધી વાત સામાજિક આર્થિક સ્થિતિની છે, એશિયન મૂળના અમેરિકન હિન્દુઓની ઉપલબ્ધિઓ સારી એવી રહી છે. તેમાંથી 61 ટકા લોકો પાસે પોસ્ટ ગ્રેજ્યુએટ ડિગ્રી છે. એ ઉપરાંત એશિયન મૂળના 44 ટકા અમેરિકન હિન્દુઓની પારિવારિક આવક વાર્ષિક 1.50 લાખ ડોલરથી વધુ છે. રસપ્રદ વાત એ છે કે અમેરિકામાં ભારતવંશી સૌથી વધુ કમાણી કરનારો સમુદાય છે. તેની આવક ચીની, પાકિસ્તાની અને જાપાની મૂળના અમેરિકન નાગરિકોથી વધુ છે. પોતે અમેરિકન નાગરિકોની પણ એટલી કમાણી નથી.
અનુમાન છે કે અમેરિકામાં 2.35 કરોડ એશિયન મૂળના છે. સૌથી વધુ 52 લાખ નાગરિક ચીની મૂળના છે. બીજા નંબર પર ભારતવંશી છે. અમેરિકામાં ભારતવંશીઓની વસ્તી લગભગ 48 લાખ છે. તેમ 16 લાખથી વધુ વિઝા હોલ્ડર છે. જ્યારે 10 લાખથી વધુ એવા છે જેમનો જન્મ જ અમેરિકામાં થયો છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp