Odisha Train Collision Updates : PM મોદી બપોરે બાલાસોર પહોંચશે, રેસ્ક્યુ ઓપરેશન પૂરું. નજરે જોનાર લોકોએ ભયાવહ ચિતાર આપ્યો
Odisha Train Collision Updates : ઓડિશામાં શુક્રવારે સાંજે એક ભયાનક ટ્રેન અકસ્માત થયો હતો. બાલાસોરમાં સ્ટેશન નજીક કોરોમંડલ એક્સપ્રેસ ટ્રેન અને માલગાડી વચ્ચે અથડામણ થઈ હતી. આ બંને ટ્રેનોની ટક્કર એટલી જોરદાર હતી કે કોરોમંડલ ટ્રેન રેલવે ટ્રેક પરથી ઉતરી ગઈ હતી. ટ્રેનના ઘણા ડબ્બા બીજા ટ્રેક પર પડ્યા હતા. લોકો કશુંક સમજે એ પહેલા તો યશવંતપુરથી હાવડા જતી ટ્રેન આ ડબ્બા સાથે અથડાઈ હતી. આ પછી તે ટ્રેનના 3-4 ડબ્બા પણ પાટા પરથી ઉતરી ગયા હતા. ત્રણ ટ્રેનની ટક્કર બાદ કોચ પાટા પર પત્તાની જેમ વિખરાઈ ગયા હતા.
આજે પ્રન્મંત્રી શ્રી નરેન્દ્ર મોદીએ ગમખ્વાર બાલાસોર ટ્રેન અકસ્માતને પગલે હાઈ લેવલ રીવ્યુ મીટિંગ પણ કરી હતી. બાલાસોર ટ્રેન દુર્ઘટનામાં અત્યાર સુધીમાં 288 લોકોના મોતના સમાચાર આવ્યા છે. આ સિવાય 900થી વધુ લોકો ઘાયલ હોવાનું કહેવાય છે. સૂત્રોના જણાવ્યા અનુસાર પીએમ મોદી ઓડિશાના બાલાસોરમાં અકસ્માત સ્થળની મુલાકાત લઈ શકે છે. પીએમ નરેન્દ્ર મોદી (નરેન્દ્ર મોદી) ઘટનાસ્થળે જશે અને પરિસ્થિતિની જાણ કરશે. આ પછી વડાપ્રધાન પીડિતોને પણ મળશે. આજ બપોરે આશરે 2.30 વાગ્યાની આસ્સ્પાસ પ્રધાનમંત્રી ઘટના સ્થળે પહોંચશે.
કોરોમંડલ એક્સપ્રેસ ટ્રેન દ્વારા ચેન્નઈ જઈ રહેલા એક મુસાફરે જણાવ્યું કે અમે S5 બોગીમાં મુસાફરી કરી રહ્યા હતા. ઘટના સમયે હું મારી સીટ પર સૂતો હતો. અચાનક એક આંચકો આવ્યો અને બોગી પલટી ગઈ. પાછળથી મેં જોયું કે કોઈનું માથું નહોતું અને કોઈનો હાથ કે પગ નહોતો. તેણે કહ્યું કે અમારી સીટ નીચે એક 2 વર્ષનું બાળક હતું, જે સુરક્ષિત રીતે બચી ગયું હતું. બાદમાં અમે તેના પરિવારના સભ્યોને બચાવ્યા. આ જ સમયે અન્ય એક મુસાફરે કહ્યું કે મારી આંખ લાગી ગઈ હતી. જ્યારે ટ્રેન અકસ્માત થયો ત્યારે મારી બોગી પલટી ગઈ હતી. આ દુર્ઘટનામાં વધુ લોકો માર્યા ગયા કારણ કે તેમાં બે પેસેન્જર ટ્રેન સામેલ છે. જ્યારે ટ્રેન પાટા પરથી ઉતરી ગઈ ત્યારે ઘણા લોકો કોચમાં ફસાઈ ગયા. આ ઉપરાંત અંધારપટના કારણે બચાવ અભિયાનમાં મુશ્કેલી આવી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp