છત્તીસગઢમાં મોટું એનકાઉન્ટર, 10 નક્સલી ઠાર, 26ની ધરપકડ; 1 કરોડનો ઇનામી પણ માર્યો ગયો
છત્તીસગઢના ગારિયાબંદમાં એક ઓપરેશનમાં સુરક્ષા દળોએ મનોજ ઉર્ફે મોડેમ બાલકૃષ્ણ સહિત 10 નક્સલીઓને ઠાર માર્યા છે જ્યારે 26ની ધરપકડ કરવામાં આવી છે. મોડેમ બાલકૃષ્ણના માથા પર 1 કરોડ રૂપિયાનું ઈનામ હતું. મોડેમનું મોત સુરક્ષા દળો માટે મોટી સફળતા માનવામાં આવી રહી છે. સૂત્રોના જણાવ્યા અનુસાર, ગુપ્તચર માહિતીમાં ટોચના નક્સલી નેતા બાલકૃષ્ણની હાજરીની પુષ્ટિ થયા બાદ બુધવારે આ ઓપરેશન શરૂ કરવામાં આવ્યું હતું.
આ ઓપરેશન અંગે માહિતી આપતા સુરક્ષા દળોએ જણાવ્યું હતું કે ગુપ્તચર માહિતીના આધારે બુધવારે ઓપરેશન શરૂ કરવામાં આવ્યું હતું, જેમાં મોડેમ બાલકૃષ્ણ સહિત 10 નક્સલીઓ માર્યા ગયા છે, જેના પર 1 કરોડ રૂપિયાનું ઈનામ જાહેર કરવામાં આવ્યું હતું. આ એન્કાઉન્ટર ગારિયાબંદના એક અંતરિયાળ વિસ્તારમાં થયું હતું, જ્યાં સુરક્ષા દળોએ નક્સલીઓના એક જૂથને ઘેરી લીધું હતું.
પ્રાપ્ત માહિતી અનુસાર, રાજ્ય પોલીસ, સેન્ટ્રલ રિઝર્વ પોલીસ ફોર્સ (CRPF) અને કોબ્રા બટાલિયનની ટીમો આ ઓપરેશનમાં સામેલ હતી. એન્કાઉન્ટરમાં માર્યા ગયેલા નક્સલીઓમાં મનોજ ઉર્ફે મોડેમ બાલકૃષ્ણ ઓડિશા સ્ટેટ કમિટી (OSC)નો એક વરિષ્ઠ સભ્ય હતો, જેના પર 1 કરોડ રૂપિયાનું ઈનામ જાહેર કરવામાં આવ્યું હતું.
ગારિયાબંદ જિલ્લો લાંબા સમયથી નક્સલવાદી ગતિવિધિઓનો ગઢ રહ્યો છે, જ્યાં સુરક્ષા દળો અને નક્સલવાદીઓ વચ્ચે ઘણી વખત ઘર્ષણ થયું છે. તાજેતરના વર્ષોમાં, સુરક્ષા દળોએ અહીં નક્સલવાદને નબળો પાડવા માટે ઘણા સફળ ઓપરેશન હાથ ધાર્યા છે, જેમાં ઘણા ટોચના નક્સલવાદી નેતાઓ માર્યા ગયા છે અથવા ધરપકડ કરવામાં આવી છે.
મનોજ ઉર્ફે મોડેમ બાલકૃષ્ણ નક્સલવાદી સંગઠનનો ટોચનો નેતા હતો, જેના પર ઘણા ગંભીર ગુનાઓનો આરોપ હતો. તેમાં હત્યા, લૂંટ અને પોલીસ પર હુમલાનો સમાવેશ થાય છે. તેમના પર 1 કરોડ રૂપિયાનું ઇનામ જાહેર કરવામાં આવ્યું હતું, જે દર્શાવે છે કે તે નક્સલવાદી પ્રવૃત્તિઓમાં કેટલો પ્રભાવશાળી હતો. તેના મોતથી નક્સલવાદી સંગઠનની કરોડરજ્જુ તોડવામાં મદદ મળશે, કારણ કે તે ઘણા ઓપરેશનનો માસ્ટરમાઇન્ડ હતો.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp