ભારતીય ટીમ સામે ફાઇનલમાં મળેલી હાર હજુ નથી ભુલાવી શક્યો મિલર, કહી નાખી આ મોટી વાત
T20 વર્લ્ડ કપની ફાઇનલમાં દક્ષિણ આફ્રિકન ટીમને એક રોમાંચક મેચમાં હારનો સામનો કરવો પડ્યો. આ મેચમાં મળેલી હાર બાદ દક્ષિણ આફ્રિકાના ખેલાડી ખૂબ નિરાશ નજરે પડ્યા. દક્ષિણ આફ્રિકાની ટીમ પહેલી વખત કોઈ વર્લ્ડ કપની ફાઇનલ મેચ રમી રહી હતી. આ મેચમાં તેને 7 રનથી હાર મળી. એક સમયે દક્ષિણ આફ્રિકન ટીમ આ મેચમાં ખૂબ આગળ ચાલી રહી હતી. પરંતુ અચાનક મેચ તેમના હાથમાંથી નીકળી ગઈ અને તેઓ ટીમ હારી ગયા. ભારત સામે મળેલી હારને દક્ષિણ આફ્રિકન સ્ટાર બેટ્સમેન ડેવિડ મિલર અત્યાર સુધી ભુલાવી શક્યો નથી. તેણે તેને લઈને એક ઈમોશનલ પોસ્ટ શેર કારી છે.
T20 વર્લ્ડ કપની ફાઇનલ મેચ બાદ મિલરે કહ્યું કે, તે આ મેચનું પરિણામ પચાવી શકતો નથી. જો કે, મિલરને આશા છે કે દક્ષિણ આફ્રિકન ટીમ આ વખત ગમને ભુલાવીને શાનદાર વાપસી કરશે. દક્ષિણ આફ્રિકાને વર્લ્ડ કપમાં અત્યાર સુધીની સૌથી મોટી ચોકર્સ માનવામાં આવતી હતી. જો કે, આ ઠપ્પાને ઘણી હદ સુધી પાછળ છોડતા કોઈ મેચ ગુમાવ્યા વિના ફાઇનલમાં જગ્યા બનાવી હતી. જો કે, ફાઇનલ પરિણામ તેમના હિતમાં ન આવ્યું.
ફાઇનલ મેચમાં મળેલી હાર બાદ ઇન્સ્ટાગ્રામ પર લખ્યું કે, હું ખૂબ નિરાશ છું, 2 દિવસ અગાઉ જે થયું તેને પચાવી શકવું મુશ્કેલ છે. મારી પાસે પોતાની ભાવનાઓને રજૂ કરવા માટે શબ્દ નથી. જો કે, મને ટીમ પર ખૂબ ગર્વ છે. ફાઇનલ અગાઉ દક્ષિણ આફ્રિકાએ પોતાના અભિયાનમાં ઘણી નજીકની મેચોમાં જીત હાંસલ કરી, પરંતુ ટીમ ફાઇનલ મેચમાં જીતવાની નજીક થયા બાદ છેલ્લી 5 ઓવરોમાં દબાવમાં આવી ગઈ. આ ટૂર્નામેન્ટમાં અમારી સફર શાનદાર રહી. અમે આખા મહિનામાં ઘણા ઉતાર-ચઢાવ જોયા. અમે પીડા સહી. જો કે, હું જાણું છું કે આ ટીમમાં ઝનૂન છે અને તે પોતાનું સ્તર ઊંચું કરતી રહેશે.
View this post on Instagram A post shared by Dave Miller (@davidmillersa12)
A post shared by Dave Miller (@davidmillersa12)
T20 વર્લ્ડ કપની ફાઇનલમાં દક્ષિણ આફ્રિકન ટીમને છેલ્લી 5 ઓવરમાં 30 રનની જરૂરિયાત હતી, પરંતુ જસપ્રીત બૂમરાહ, અર્શદીપ સિંહ અને હાર્દિક પંડ્યાની શાનદાર બોલિંગે મેચને ભારતના પક્ષમાં કરી દીધી. સૌથી પહેલા હાર્દિક પંડ્યાએ આ મેચમાં ખૂબ ઝડપથી રન બનાવી રહેલા હેનરિક ક્લાસેનને આઉટ કર્યો. ત્યારબાદ બૂમરાહે માર્કો યાનસેનને આઉટ કર્યો. 30 બૉલમાં 30 રનથી ભારતીય ટીમે આ મેચને 6 બૉલમાં 16 રન પર લાવીને ઊભી કરી દીધી. અંતિમ ઓવરમાં હાર્દિક પંડ્યાએ શાનદાર બોલિંગ કરી. પંડ્યાની અને મેચની છેલ્લી ઓવરના પહેલા બૉલ પર સૂર્યકુમાર યાદવે લોંગ ઓફ બાઉન્ડ્રી પાસે મિલરનો શાનદાર કેચ પકડ્યો, ત્યારબાદ આખી મેચ ભારતીય ટીમના પક્ષમાં આવી ગઈ અને આ રીતે ભારતીય ટીમ ચેમ્પિયન બની ગઇ.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp