એ છોકરી લગભગ મરી ગઈ હતી, પછી થયો બળાત્કાર! કોલકાતામાં તબીબ યુવતી પર બળત્કારની ઘટનામાં ફોરેન્સિક નિષ્ણાતનો મોટો ખુલાસો!
Young lady doctor murder: પશ્ચિમ બંગાળના કોલકાતામાં બળાત્કાર અને હત્યાની હૃદયદ્રાવક ઘટના સામે આવી છે. આરજી કાર મેડિકલ કોલેજ અને હોસ્પિટલમાં એક જુનિયર ડૉક્ટર પર નિર્દયતાથી હુમલો કરવામાં આવ્યો હતો. આ કેસમાં અત્યાર સુધી જે સત્ય બહાર આવ્યું છે તેણે લોકોને ચોંકાવી દીધા છે. પીડિતાના શરીર પરની ઇજાઓ તેના પર કરવામાં આવેલી નિર્દયતાની હદ દર્શાવે છે.
ડોક્ટરોના જણાવ્યા અનુસાર પીડિતા જ્યારે જીવન અને મૃત્યુની લડાઈ લડી રહી હતી ત્યારે બળાત્કાર થયો હતો. જ્યારે તેના અંગોએ લગભગ કામ કરવાનું બંધ કરી દીધું હતું ત્યારે તેના પર બળાત્કાર કરવામાં આવ્યો હતો. તેના ગુપ્તાંગમાં જે પ્રકારની ઈજા જોવા મળે છે તેને 'પેરીમોર્ટમ' કહેવામાં આવે છે. આનો અર્થ છે જીવન અને મૃત્યુ વચ્ચેની ઇજાઓ. ઓટોપ્સી રિપોર્ટમાં આ વાતનો ઉલ્લેખ કરવામાં આવ્યો છે.
પોલીસ તપાસમાં અત્યાર સુધીમાં અનેક ચોંકાવનારા ખુલાસા થયા છે. પકડાયેલા આરોપીના મોબાઈલ ફોન અને તેની પૂછપરછમાં ચોંકાવનારી માહિતી બહાર આવી છે. એવું સામે આવ્યું છે કે આરોપી ખૂબ જ અસામાન્ય પ્રકારના અશ્લીલ વીડિયો જોતો હતો. આ વીડિયો તેની વિકૃત માનસિકતા સમજાવે છે.
પોલીસ સૂત્રોના જણાવ્યા અનુસાર, આરોપીઓ સવારે લગભગ 4 વાગે ચેસ્ટ મેડિસિન સેમિનાર રૂમમાં પહોંચ્યા હતા. તે સમયે જુનિયર ડોક્ટર ધાબળો ઓઢીને સૂતા હતા. આનો ફાયદો ઉઠાવીને આરોપીએ પહેલા તેના શરીર પર અનેક વાર હુમલો કર્યો. પછી ધાબળો દૂર કર્યો. આ પછી જ્યારે ડોક્ટરે વિરોધ કર્યો તો તેણે હુમલો કર્યો.
પીડિતાના ડાબા ગાલ પરના ઈજાના નિશાન આ વાત સાબિત કરે છે. તેના ગાલ પર નખના સ્ક્રેચ પણ જોવા મળ્યા હતા. હુમલા બાદ આરોપીએ તેનું ગળું પકડીને તેના ચહેરા, પેટ અને છાતી પર અનેક વાર મુક્કો માર્યો હતો. જેના કારણે પીડિતા બેભાન થઈ ગઈ અને આરોપીએ તેની સાથે બળાત્કાર કર્યો.
જુનિયર ડોક્ટર સાથે કરવામાં આવેલી નિર્દયતા પર દેશમાં ગુસ્સો છે. ફેડરેશન ઓફ રેસિડેન્ટ ડોક્ટર્સ એસોસિએશન (ફોર્ડા) એ હડતાળની જાહેરાત કરી છે. દિલ્હી AIIMSએ પણ સોમવારે સવારે 11.30 વાગ્યે હડતાળની જાહેરાત કરી હતી. રેસિડેન્ટ ડોકટરોની માંગ છે કે આ મામલે નિષ્પક્ષ તપાસ થવી જોઈએ. આ માટે સીબીઆઈને જવાબદારી સોંપવી જોઈએ.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp