અમેરિકાના પૂર્વ રાષ્ટ્રપતિ જો બાઈડેનને થયું પ્રોસ્ટેટ કેન્સર, હાડકાં સુધી ફેલાઈ આ બીમારી; જાણો આ શું હોય છે
Joe Biden: અમેરિકાના પૂર્વ રાષ્ટ્રપતિ જો બાઈડેનને કેન્સર થઈ ગયું છે. જી હા, જો બાઈડેનને પ્રોસ્ટેટ કેન્સરના આક્રમક રૂપની જાણકારી મળી છે. તેમના શરીરમાં આ બીમારી ખૂબ જ ઝડપથી ફેલાઈ રહી છે. ચિંતાની વાત એ છે કે કેન્સર તેમના હાડકાં સુધી ફેલાઈ ગયું છે. જો બાઈડેનના કાર્યાલયે આ માહિતી આપી છે. આ સમાચારથી તેમના સમર્થકોને મોટો ધક્કો લાગ્યો છે. જો બાઈડેનની ઉંમર 82 વર્ષ છે. ઓફિસના નિવેદન મુજબ, જો બાઈડેનને પેશાબ સંબંધિત સમસ્યા હતી. તેના માટે તેમણે શુક્રવારે ડૉક્ટરને બતાવ્યું. જ્યારે ડૉક્ટરે મેડિકલ ચેકઅપ કર્યું, તો બધાના હોશ ઊડી ગયા. જો બાઈડેનને પેશાબ સંબંધિત લક્ષણો દેખાતા ડૉક્ટરોએ પુષ્ટિ કરી કે જો બાઈડેનને પ્રોસ્ટેટ કેન્સર છે. પ્રોસ્ટેટ કેન્સરની પુષ્ટિ થયા બાદ, જો બાઈડેન અને તેમનો પરિવાર ડૉક્ટરો સાથે સારવારના વિકલ્પો પર વિચાર કરી રહ્યા છે. બાઈડેનનો બીમારી વધુ આક્રમક છે.
જો બાઈડેનને પ્રોસ્ટેટ કેન્સર હોવાના સમાચારથી ડોનાલ્ડ ટ્રમ્પ પણ દુઃખી છે. તેમણે સોશિયલ મીડિયા પ્લેટફોર્મ ટ્રૂથ પર લખ્યું કે, હું અને મેલાનિયા... જો બાઈડેનના તાજેતરના મેડિકલ રિપોર્ટ વિશે સાંભળીને દુઃખી છીએ. અમે ઝીલ અને તેના પરિવાર પ્રત્યે અમારી શુભકામનાઓ પાઠવીએ છીએ, અને અમે પ્રાર્થના કરીએ છે કે જો બાઈડેન ઝડપથી અને સંપૂર્ણ સ્વસ્થ થઈ જશે.
જો બાઈડેનને જે કેન્સર થયું છે તે ખૂબ જ ખતરનાક છે. પ્રોસ્ટેટ કેન્સર એ એક ગંભીર બીમારી છે, જે પુરુષોમાં થાય છે. તે પ્રોસ્ટેટ ગ્રંથિમાં શરૂ થાય છે. આ ગ્રંથિ મૂત્રાશયની નીચે અને મળાશયની સામે સ્થિત હોય છે, જે વીર્યના નિર્માણમાં મહત્ત્વપૂર્ણ ભૂમિકા ભજવે છે. જો બાઈડેનનું કેન્સર આક્રમક છે, તેથી તે હાડકાં સુધી ફેલાઈ ગયું છે. પ્રોસ્ટેટ કેન્સર ધીમે-ધીમે વધી શકે છે, પરંતુ કેટલાક કિસ્સાઓમાં તે આક્રમક થઈને શરીરના અન્ય ભાગોમાં, જેમ કે હાડકાં અથવા લસિકા ગાંઠોમાં ફેલાઈ શકે છે. તેને જ મેટાસ્ટેસિસ કહેવામાં આવે છે. પુરુષોમાં કેન્સરથી થતા મોતનું બીજું મુખ્ય કારણ પ્રોસ્ટેટ કેન્સર છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp