Big Breaking: કોરોનાની નવી લહેર શરુ થઇ! ભારતીયોની ભરપૂર અવરજવર ધરાવતા આ દેશોમાં કેસ વધી જતા ચિંતાની લહેર
Coronavirus: લોકો હજી કોવિડ-19એ વરતાવેલા કાળા કેરને ભૂલ્યા નથી. ભાગ્યે જ કોઈ પરિવાર એવો હશે જેણે આ વૈશ્વિક મહામારીમાં પોતાના સ્વજનો ગુમાવ્યા ન હોય. હવે ખબર છે કે સમગ્ર વિશ્વમાં હાહાકાર મચાવનાર કોવિડ-19 ફરી એકવાર દસ્તક દિધી છે. એશિયામાં હોંગકોંગ અને સિંગાપોરમાં કોરોનાના કેસ મળી આવ્યા છે. કેસોમાં વધારો એશિયામાં કોરોનાવાયરસની બીજી લહેરના સંકેત આપે છે. આરોગ્ય અધિકારીઓ પણ આ અંગે ચિંતિત હોય તેવું લાગે છે.
હોંગકોંગ સેન્ટર ફોર હેલ્થ પ્રોટેક્શનના ચેપી રોગ શાખાના વડા આલ્બર્ટ ઓ અનુસાર, હોંગકોંગમાં વાયરસની ગતિવિધિ ઘણા મોટા સ્તરે પહોંચી ગઈ છે. તેમણે કહ્યું કે કોવિડ-19ના પોઝિટિવ કેસોની ટકાવારી એક વર્ષના ઉચ્ચ સ્તરે પહોંચી ગઈ છે. ડેટા ગંભીર કેસોમાં ચિંતાજનક વધારો દર્શાવે છે, જેમાં મૃત્યુનો પણ સમાવેશ થાય છે, જે લગભગ એક વર્ષમાં તેમના ઉચ્ચતમ સ્તરે પહોંચી ગયા છે. 3 મેના રોજ પૂરા થયેલા સપ્તાહમાં 31 કેસ નોંધાયા હતા.
કોન્સર્ટના સત્તાવાર વીબો એકાઉન્ટ પરની એક પોસ્ટ અનુસાર, હોંગકોંગના ગાયક ઇસન ચૈને કોવિડ-19 ના સંક્રમણ બાદ તાઇવાનના કાઉશુંગમાં યોજાવાનો તેમનો સંગીત કોન્સર્ટ રદ કર્યો છે, જે આ સપ્તાહના અંતમાં યોજાવાનો હતો.
સિંગાપોર પણ હાઈ એલર્ટ પર છે. આરોગ્ય મંત્રાલયે આ મહિને લગભગ એક વર્ષમાં ચેપના આંકડા અંગેનો પ્રથમ અપડેટ જાહેર કર્યો હતો, જેમાં અંદાજિત કેસ 3 મેના રોજ પૂરા થયેલા સપ્તાહમાં 28 ટકાના નોંધપાત્ર વધારા સાથે પાછલા સાત દિવસની તુલનામાં 14,200 થયા છે. હોસ્પિટલમાં દાખલ થવાની સંખ્યામાં પણ લગભગ 30 ટકાનો વધારો જોવા મળ્યો.
સિંગાપોરના આરોગ્ય મંત્રાલયે જણાવ્યું હતું કે હાલમાં એવા કોઈ સંકેત નથી કે ફરતા વેરિઅન્ટ્સ વધુ ચેપી છે અથવા રોગચાળા દરમિયાન કરતાં વધુ ગંભીર કેસોનું કારણ બને છે. સિંગાપુર એલર્ટ પર છે. સ્વાસ્થ્ય મંત્રાલયે આ મહિને લગભગ એક વર્ષમાં સંક્રમણ સંખ્યા પર પોતાની પહેલી અપડેટ જાહેર કરી છે. 3 મે સુધી અઠવાડિયામાં કેસની અંદાજિત સંખ્યા છેલ્લાં સાત દિવસની તુલનામાં 28 ટકા વધીને 14, 200 થઈ ગઈ છે.
સામાન્ય રીતે શિયાળાની ઋતુમાં શ્વસનતંત્રના વાયરસ વધુ સક્રિય હોય છે, પરંતુ આ વખતે ઉનાળાની શરૂઆતમાં કોરોનાના કેસ વધવા લાગ્યા છે. આનાથી સ્પષ્ટ થાય છે કે કોવિડ-19 ઉનાળામાં પણ ફેલાઈ શકે છે અને મોટી સંખ્યામાં લોકોને અસર કરી શકે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp