ભારતમાં 5 રૂપિયામાં મળતી Parle-G બિસ્કિટ આ જગ્યાએ 2400 રૂપિયામાં મળે છે; જુઓ વીડિયો

Parle-G બિસ્કિટનું નામ આવતા જ ગામમાં વિતાવેલા બાળપણના દિવસો તાજા થઈ જાય છે, જ્યારે પણ કોઈ મહેમાન ઘરે આવતા હતા તો તેને Parle-G બિસ્કિટ આપીને મહેમાન નવાજી કરવામાં આવતી હતી. સમય બદલાયો છે, પરંતુ ન બદલાયો તો તેનો સ્વાદ. આજે પણ 5 રૂપિયામાં વેચાતી આ બિસ્કિટ (Parle-G બિસ્કિટ) ગામડાઓ અને શહેરોમાં સૌથી વધુ ખરીદવામાં આવે છે. આ મોંઘવારીમાં પણ માત્ર 5 રૂપિયામાં વેચાતું આ પેકેટ બાળકોના ચહેરા પર સ્મિત લઈ આવે છે. પરંતુ આશ્ચર્યજનક વાત એ છે કે ભારતમાં સસ્તા ભાવે મળતી આ બિસ્કિટ ભૂખમરા સામે લડી રહેલા ગાઝામાં 500 ગણા વધુ ભાવે વેચાઈ રહી છે.

ઇઝરાયલ હાથે બરબાદ થઈ ચૂકેલા ગાઝામાં આજકાલ ખાવાનાની ભારે અછત છે. લોકો દરેક દાણા-દાણા તડપી રહ્યા છે. અન્ય દેશો ગાઝામાં માનવતાવાદી સહાય મોકલી રહ્યા છે. એવામાં, ગાઝાની એક પોસ્ટ સોશિયલ મીડિયા પર જોરદાર વાયરલ થઈ રહી છે. તેમાં એક વ્યક્તિએ દાવો કર્યો છે કે ગાઝામાં Parle-G બિસ્કિટ 24 યુરો (2,342 રૂપિયા) થી વધુમાં વેચાઈ રહ્યા છે. બિસ્કિટની આ કિંમત જોઈને સોશિયલ મીડિયા પર ઘણા લોકો આશ્ચર્યચકિત થઈ ગયા.

સોશિયલ મીડિયા પર વાયરલ પોસ્ટમાં દાવો કરવામાં આવ્યો છે કે, 'લાંબી રાહ જોયા બાદ, આજે આખરે આજે મને રવીફના મનપસંદ બિસ્કિટ મળી ગઈ. ભલે કિંમત 1.5 યુરોથી વધીને 24 યુરોથી વધુ થઈ ગઈ હોય, હું રફીકને તેની મનપસંદ બિસ્કિટ આપવાનો ઇનકાર કરી ન શક્યો.'

ઓક્ટોબર 2023થી ગાઝામાં વસ્તુઓ મોંઘી થઈ ગઈ છે. ઇઝરાયલી હુમલાઓ પછી ગાઝામાં ભોજનની અછત છે. ખાદ્ય પદાર્થો ગાઝા સુધી યોગ્ય રીતે પહોંચી શકતા નથી. આ વર્ષે 2 માર્ચથી 19 મે દરમિયાન, આ પેલેસ્ટિનિયન વિસ્તારને લગભગ સંપૂર્ણ નાકાબંધીનો સામનો કરવો પડ્યો હતો. મર્યાદિત સંખ્યામાં માનવતાવાદી ટ્રકો ત્યાં જઈ રહી હતી. આંતરરાષ્ટ્રીય દબાણ બાદ, તેમને ગાઝા જવાની મંજૂરી આપવામાં આવી હતી.

After a long wait, I finally got Ravif her favorite biscuits today. Even though the price jumped from €1.5 to over €24, I just couldn’t deny Rafif her favorite treat. pic.twitter.com/O1dbfWHVTF

— Mohammed jawad 🇵🇸 (@Mo7ammed_jawad6) June 1, 2025

ગાઝામાં ઊંચા ભાવ માત્ર Parle-G સુધી મર્યાદિત નથી, જે લગભગ 4,300 કિમી દૂર ભારતથી નિકાસ કરવામાં આવે છે. ગાઝા શહેરમાં રહેતા 31 વર્ષીય સર્જન ડૉ. ખાલિદ અલશવાએ જણાવ્યું કે, ‘સમસ્યા મૂળ સપ્લાયર્સ અને કરવેરા સાથે સંબંધિત નથી. આ વસ્તુઓ સામાન્ય રીતે માનવતાવાદી સહાય તરીકે ગાઝામાં મફતમાં આવે છે. પરંતુ માત્ર થોડા લોકો જ તેમને મેળવી શકે છે. અછતને કારણે, તેમનું કાળાબજાર થવા થવા લાગ્યો છે. અલશવાને આખરે તેનું મનપસંદ બિસ્કિટ મળી. તેને તેના માટે લગભગ 240 રૂપિયા ચૂકવવા પડ્યા. એવું કહેવામાં આવી રહ્યું છે કે કિંમતો સ્થળ પ્રમાણે બદલાય છે. ડૉ. અલશવાએ જણાવ્યું કે 3 મહિનાથી વધુ સમયથી સરહદ બંધ હોવાને કારણે, 20 લાખ લોકોની ખૂબ ઓછી મૂળભૂત જરૂરિયાતો પૂરી થઈ રહી છે. માત્ર થોડા લોકો જ કેટલીક વસ્તુઓ ખરીદે છે અથવા જો લૂંટફાટ થાય છે, તો આ વસ્તુઓ વધુ કિંમતે વેચાય છે.