BCCIએ ભારતીય ટીમની કરી જાહેરાત, આ ખેલાડી બન્યો ટેસ્ટ ટીમનો કેપ્ટન, જાણો કોણ ઇન-કોણ આઉટ!
ભારતીય ક્રિકેટ કંટ્રોલ બોર્ડ (BCCI)એ ઈંગ્લેન્ડ સામેની 5 મેચની ટેસ્ટ શ્રેણી માટે ભારતીય ટીમની જાહેરાત કરી દીધી છે. ભારતે ઇંગ્લેન્ડમાં 5 મેચની ટેસ્ટ શ્રેણી રમવાની છે. યુવા બેટ્સમેન શુભમન ગિલને ટેસ્ટનો કેપ્ટન બનાવવામાં આવ્યો છે. જ્યારે સ્ટાર ફાસ્ટ બોલર મોહમ્મદ શમી અને મિડલ ઓર્ડર બેટ્સમેન શ્રેયસ ઐયરને ટીમમાં સ્થાન મળ્યું નથી.
BCCIએ શુભમન ગિલને ટેસ્ટ ટીમની કમાન સોંપી છે. જ્યારે વિકેટકીપર બેટ્સમેન રિષભ પંતને ઉપ-કેપ્ટન બનાવવામાં આવ્યો છે. હેરાનીની વાત એ છે સ્ટાર મિડલ ઓર્ડર બેટ્સમેન શ્રેયસ ઐયરને ટેસ્ટ ટીમમાં પસંદ કરવામાં આવ્યો નથી. તે IPL 2025માં શાનદાર ફોર્મમાં જોવા મળી રહ્યો છે. આ અગાઉ તે ચેમ્પિયન્સ ટ્રોફીમાં પણ ભારતીય ટીમનો હીરો સાબિત થયો હતો.
BCCIએ ઈંગ્લેન્ડ પ્રવાસ માટે 18 સભ્યોની ટીમની જાહેરાત કરી છે. જસપ્રીત બૂમરાહ, મોહમ્મદ સિરાજ, પ્રસિદ્ધ કૃષ્ણા, આકાશદીપ, અર્શદીપ સિંહ અને શાર્દુલ ઠાકુરના રૂપમાં 6 બોલરોની પસંદગી કરવામાં આવી છે. રવિન્દ્ર જાડેજા, વોશિંગ્ટન સુંદર અને કુલદીપ યાદવના રૂપમાં 3 સ્પિનર છે.
ઇંગ્લેન્ડ સામેની 5 મેચની ટેસ્ટ શ્રેણી માટે મિડલ ઓર્ડર બેટ્સમેન કરુણ નાયરની પસંદગી કરવામાં આવી છે. નાયરની 8 વર્ષ બાદ ટેસ્ટ ટીમમાં વાપસી થઈ છે. તેણે ભારત માટે છેલ્લે 2017માં ટેસ્ટ ક્રિકેટ રમી હતી. ઇંગ્લેન્ડ સામેની 5 મેચની ટેસ્ટ શ્રેણી માટે શાર્દુલ ઠાકુરની પણ પસંદગી કરવામાં આવી છે.
શુભમન ગિલ (કેપ્ટન) રિષભ પંત (વાઈસ-કેપ્ટન), યશસ્વી જાયસ્વાલ, કેએલ રાહુલ, સાઈ સુદર્શન, અભિમન્યુ ઈશ્વરન, કરુણ નાયર, નીતિશ કુમાર રેડ્ડી, રવિન્દ્ર જાડેજા, ધ્રુવ જુરેલ, વોશિંગ્ટન સુંદર, શાર્દૂલ ઠાકુર, જસપ્રીત બૂમરાહ, મોહમ્મદ સિરાજ, પ્રસિદ્ધ કૃષ્ણા, આકાશદીપ, અર્શદીપ સિંહ અને કુલદીપ યાદવ.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp