Fatwa Against Trump and Netanyahu: ઈરાનના ટોચના મૌલવીએ ટ્રમ્પ અને નેતન્યાહૂને ગણાવ્યા ઇસ્લામના દુશ્મન, બંને વિરુદ્ધ જાહેર કરી દીધો ફતવો
Iran's Top Cleric Issues Fatwa Against Trump, Netanyahu: ઈરાનના ટોચના શિયા ધર્મગુરુએ અમેરિકન રાષ્ટ્રપતિ ડોનાલ્ડ ટ્રમ્પ અને ઇઝરાયલી વડાપ્રધાન બેન્જામિન નેતન્યાહૂ વિરુદ્ધ 'ફતવો' જાહેર કર્યો છે, જે એક ધાર્મિક ફરમાન હોય છે, જેમાં તેમને અલ્લાહના દુશ્મન ગણાવ્યા છે અને અલ્લાહના દુશ્મનોને ખતમ કરી દેવાની ધમકી આપી છે. ગ્રાન્ડ આયતુલ્લાહ નાસેર મકરમ શિરાઝીના ફરમાનમાં વિશ્વભરના મુસ્લિમોને એક થવા અને ઇસ્લામિક રિપબ્લિકના નેતૃત્વને ધમકી આપનારા અમેરિકન અને ઇઝરાયલી નેતાઓને ખતમ કરી દેવાની હાકલ કરવામાં આવી છે.
મેહર ન્યૂઝ એજન્સી અનુસાર, મકરમે તેમના આદેશમાં કહ્યું હતું કે, કોઈપણ વ્યક્તિ અથવા શાસન જે નેતા અથવા મરજા (અલ્લાહ) ને ધમકી આપે છે તેને 'યુદ્વ સરદાર' અથવા 'મોહરેબ' માનવામાં આવે છે. ફોક્સ ન્યૂઝના અહેવાલ મુજબ, મોહરેબ એવી વ્યક્તિ છે જે ભગવાન સામે યુદ્ધ છેડે છે અને ઈરાની કાયદા હેઠળ, મોહરેબ તરીકે ઓળખાતા લોકોને મૃત્યુદંડ, ક્રુસિફિકેશન, અંગવિચ્છેદન અથવા દેશનિકાલનો સામનો કરવો પડી શકે છે.
ફતવામાં જણાવાયું છે કે ‘મુસ્લિમો અથવા ઇસ્લામિક રાજ્યો દ્વારા એ દુશ્મનને કોઈપણ સહયોગ અથવા સમર્થન હરામ અથવા પ્રતિબંધિત છે. વિશ્વભરના તમામ મુસ્લિમો માટે આ દુશ્મનોને તેમના શબ્દો અને ભૂલો પર પસ્તાવો કરાવવો જરૂરી છે. તેમાં એમ પણ કહેવામાં આવ્યું છે કે જો કોઈ મુસ્લિમ કર્તવ્યનું પાલન કરે છે, પોતાના અભિયાનમાં મુશ્કેલી અથવા હાનિ ઉઠાવે છે, તો જો તેને ભગવાનના માર્ગમાં યોદ્ધા તરીકે પુરસ્કૃત કરવામાં આવશે.
ફતવામાં વધુમાં જણાવાયું છે કે જે લોકો ઈરાનના સુપ્રીમ લીડરને ધમકી આપવા અથવા તેમની હત્યા કરવાનો પ્રયાસ કરે છે તેઓ અલ્લાહના ક્રોધનો સામનો કરવો પડશે અને આવી હરકતને માત્ર અલ્લાહના અપમાન તરીકે જ નહીં, પરંતુ અલ્લાહ સામેના યુદ્ધ તરીકે પણ જોવામાં આવશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp