વડાપ્રધાન મોદીએ ગુજરાતમાં જંગલ સફારીનો આનંદ માણ્યો, જુઓ વીડિયો

સોમવારે (૩ માર્ચ) સવારે ગુજરાતના જૂનાગઢ જિલ્લામાં આવેલા ગીર વન્યજીવન અભયારણ્યમાં વિશ્વ વન્યજીવન દિવસ નિમિત્તે વડાપ્રધાન નરેન્દ્ર મોદીએ જંગલ સફારીનો આનંદ માણ્યો અને એશિયન સિંહોને જોયા. સોમનાથથી પાછા ફર્યા બાદ, મોદીએ સાસણમાં આવેલા ફોરેસ્ટ ગેસ્ટ હાઉસ 'સિંહ સદન'માં રાત વિતાવી હતી. રવિવાર (2 માર્ચ) સાંજે, તેમણે સોમનાથ મંદિરમાં ભગવાન શિવની પૂજા કરી હતી. આ 12 જ્યોતિર્લિંગોમાંથી પહેલું જ્યોતિર્લિંગ છે. 'સિંહ સદન' થી વડાપ્રધાન જંગલ સફારી પર ગયા; તેમની સાથે કેટલાક મંત્રીઓ અને વન વિભાગના વરિષ્ઠ અધિકારીઓ પણ હતા.

PM Narendra Modi visits Gir National Park in Gujarat pic.twitter.com/dC9sk9wQIB

— ANI (@ANI) March 3, 2025

વડાપ્રધાન ગીર વન્યજીવન અભયારણ્યના મુખ્ય મથક સાસણ ગીર ખાતે રાષ્ટ્રીય વન્યજીવન બોર્ડ (NBWL)ની સાતમી બેઠકની અધ્યક્ષતા પણ કરશે. NBWL માં 47 સભ્યો છે, જેમાં આર્મી ચીફ, વિવિધ રાજ્યોના સભ્યો, ક્ષેત્રમાં કામ કરતી NGOના પ્રતિનિધિઓ, મુખ્ય વન્યજીવન વોર્ડન અને વિવિધ રાજ્યોના સચિવોનો સમાવેશ થાય છે. બેઠક બાદ, મોદી સાસનમાં કેટલીક મહિલા વન કર્મચારીઓ સાથે પણ વાતચીત કરશે.

Today, on #WorldWildlifeDay, let’s reiterate our commitment to protect and preserve the incredible biodiversity of our planet. Every species plays a vital role—let’s safeguard their future for generations to come!

We also take pride in India’s contributions towards preserving… pic.twitter.com/qtZdJlXskA

— Narendra Modi (@narendramodi) March 3, 2025

એક સરકારી પ્રકાશનમાં જણાવાયું છે કે કેન્દ્ર સરકારે એશિયાઈ સિંહોના સંરક્ષણ માટે 'પ્રોજેક્ટ લાયન' હેઠળ 2,900 કરોડ રૂપિયાથી વધુની રકમ મંજૂર કરી છે. આ સિંહોનું એકમાત્ર નિવાસસ્થાન ગુજરાત છે. હાલમાં, ગુજરાતના 9 જિલ્લાઓના 53 તાલુકાઓમાં એશિયાટિક સિંહો લગભગ 30,000 ચોરસ કિલોમીટરમાં વસે છે, એમ પ્રકાશનમાં જણાવાયું છે.

PM @narendramodi visits the Gir National Park in Gujarat on world wildlife day pic.twitter.com/YmJ4MAqnYU

— Akshita Nandagopal (@Akshita_N) March 3, 2025

આ ઉપરાંત, એક રાષ્ટ્રીય પ્રોજેક્ટ હેઠળ, જૂનાગઢ જિલ્લાના નવા પીપળ્યા ખાતે 20.24 હેક્ટરથી વધુ જમીન પર વન્યજીવોના તબીબી નિદાન અને રોગ નિવારણ માટે 'નેશનલ રેફરલ સેન્ટર' સ્થાપિત કરવામાં આવી રહ્યું છે. પ્રકાશનમાં કહેવામાં આવ્યું છે કે સંરક્ષણ પ્રયાસોને મજબૂત બનાવવા માટે, સાસણ ખાતે વન્યજીવન દેખરેખ માટે એક હાઇ-ટેક મોનિટરિંગ સેન્ટર અને એક અત્યાધુનિક હૉસ્પિટલની પણ સ્થાપના કરવામાં આવી છે.