ડાયલ ૧૧૨ હેઠળ પોલીસને આવ્યો એક ગર્લફ્રેન્ડનો કોલ, ને તપાસ કરતાં થયા ચોંકાવનારા ખુલાસા! જાણો
તાજેરતમાં જ કેન્દ્રીય ગૃહમંત્રી અમિત શાહ દ્વારા ડાયલ ૧૧૨ હેઠળ જનરક્ષક પ્રોજેક્ટ્સનું ઉદ્ઘાટન કરવામાં આવ્યું હતું. ડાયલ ૧૧૨ દેશની આંતરિક સુરક્ષા સુનિશ્ચિત કરવા, નાગરિકોના અધિકારોનું રક્ષણ કરવા, કાયદો અને વ્યવસ્થા જાળવવા અને કોઈપણ કટોકટીની સ્થિતિમાં સમયસર સહાય પૂરી પાડવા માટે છે.ગુજરાતની જુન્નારદેવ પોલીસને પણ ડાયલ ૧૧૨ હેઠળ આવો એક ફોન આવ્યો હતો જેણે પોલીસને મુશ્કેલીમાં મૂકી દીધા હતા. આ ફોન કોલ પર એક છોકરીએ પોલીસને ફરિયાદ કરી હતી કે, 'તેનો બોયફ્રેન્ડ ફોન ઉપાડતો નથી.'
પોલીસના જણાવ્યા મુજબ, કોન્સ્ટેબલ રાજપાલને રાત્રે 9 વાગ્યાની આસપાસ ડાયલ 112 પર ફોન આવ્યો હતો. ફોન કરનારી છોકરીએ પોતાને કોટાખારી ગામની રહેવાસી બતાવી હતી. તેણે પોલીસને ફરિયાદ કરી હતી કે, તેનો બોયફ્રેન્ડ બુરી ગામમાં રહે છે. તે વારંવાર તેના પર વાત કરવા માટે દબાણ કરી રહ્યો હતો. જ્યારે તેણીએ ના પાડી, ત્યારે છોકરાએ છેલ્લે આત્મહત્યા કરવાની ધમકી આપી હતી અને પછી તેનો મોબાઇલ બંધ થઈ ગયો છે.
કોલની ફરિયાદ બાદ પોલીસ સક્રિય થઈ ગઈ અને બુરીના યુવક વિશે માહિતી એકત્રિત કરી. પરંતુ તપાસમાં એક ચોંકાવનારી હકીકત સામે આવી. ગામમાં તે નામનો કોઈ યુવક રહેતો ન હતો. પોલીસે યુવકનો મોબાઈલ નંબર ટ્રેસ કરવાનો પ્રયાસ કર્યો, પરંતુ તે પણ બંધ મળી આવ્યો. અને તેથી પણ આશ્ચર્યજનક વાત એ હતી કે, થોડા સમય પછી ફરિયાદ કરનારી છોકરીએ પણ પોતાનો મોબાઈલ ફોન બંધ કરી દીધો હતો. આનાથી પોલીસ વધુ મૂંઝવણમાં મુકાઈ ગઈ. ન તો તે યુવક મળ્યો કે ન તો ફરિયાદ કરનારી છોકરી.
આ વિચિત્ર કિસ્સાએ પોલીસને મૂંઝવણમાં મૂકી દીધી છે. હવે કોલની વાસ્તવિકતા અને ફરિયાદની સત્યતા અંગે તપાસ કરવામાં આવી રહી છે. હાલમાં તે સ્પષ્ટ નથી કે આ ખરેખર ગંભીર મામલો હતો કે કોઈએ મજાક તરીકે પોલીસને ગેરમાર્ગે દોરવાનો પ્રયાસ કર્યો હતો.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp