અલ્લૂ અર્જૂનની ફિલ્મ પુષ્પા ધ રૂલ જોતા પહેલા વાંચી લો આ રિવ્યૂ

Pushpa 2 : The Rule Review: જ્યારે પણ લાલ ચંદનનો ઉલ્લેખ થાય છે ત્યારે મનમાં પુષ્પા રાજનો વિચાર આવે છે. મહામારી બાદ, જ્યારે વર્ષ 2021માં થિયેટરોમાં ફિલ્મો ચાલવા લાગી હતી, ત્યારે દક્ષિણની ફિલ્મોએ ફરી એકવાર ભારતમાં તેમની પાંખો ફેલાવવાનું શરૂ કર્યું. આવી જ એક ફિલ્મ પુષ્પાઃ ધ રાઇઝ એ વર્ષે ડિસેમ્બર મહિનામાં રીલિઝ થઇ હતી. તેમાં અલ્લૂ અર્જૂન અને રશ્મિકા મંદાનાએ અભિનય કર્યો હતો જે બોક્સ ઓફિસ પર હિટ સાબિત થઇ હતી. હવે 3 વર્ષ બાદ, મૂવીનો ભાગ 2 (પુષ્પા 2: ધ રૂલ) આવી ગયો છે જેમાં આ જ જોડી ફરીથી ધૂમ મચાવશે.

ફિલ્મના અંતે, SP ભવર સિંહ શેખાવત (ફહાદ ફાઝિલ)ને જોયને, ચાહકો તેના પરિણામની આતુરતાથી રાહ જોઇ રહ્યા હતા, જે પુષ્પા ભાગ 2ના રૂપમાં આવવાનું વાયદો કરીને ગયો અને હવે તે પૂરો થયો છે. પુષ્પા રાજ અને તેના સહ કલાકાર શ્રીવલ્લી પુષ્પા 2: ધ રૂલ સાથે પુનરાગમન કરી રહ્યા છે, એટલે ફિલ્મ જોવા અગાઉ ફિલ્મનું રિવ્યૂ વાંચી લેજો.

ફિલ્મની કહાની વિશે વાત કરીએ તેના પહેલા ભાગમાં બતાવવામાં આવ્યું હતું કે કેવી રીતે પુષ્પા કામની શોધમાં લાલ ચંદનની તસ્કરી સામેલ થાય છે. કેવી રીતે તે કોંડા રેડ્ડી (અજય ઘોષ) સાથે મળીને મંગલમ શ્રીનુ (સુનિલ) સાથે લાલ ચંદનનું ઝાડ કાપીને તસ્કરીની સોદો કરે છે. આ બધાના ખભે ચઢીને, પુષ્પા આખરે વિદેશમાં સીધો ડીલ કરીને લાલ ચંદનની તસ્કરીનો માસ્ટર બની જાય છે.

આ સંબંધમાં, જ્યારે ઘણી ગેંગ પુષ્પાની પાછળ હતી, અંતે SP ભવર સિંહ શેખાવત (ફહાદ ફાઝિલ)ની એન્ટ્રી થાય છે જે હવે પુષ્પાને પકડવા માગે છે. હવે શરૂઆત થાય છે પુષ્પા 2: ધ રૂલની… થોડા વર્ષો બાદ પુષ્પા રાજે આંધ્ર પ્રદેશના ચિત્તૂરમાં પોતાનું વર્ચસ્વ સ્થાપિત કરી લીધુ હોય છે. ઇન્ટરવલ બાદનું એક્શન સીક્વન્સ અદ્ભુત છે અને પુષ્પા અને ભવર સિંહ શેખાવતની જુગલબંધી અદ્ભુત છે.

આ ફિલ્મમાં, સુકુમાર અને શ્રીકાંત બિસ્વાની જોડી આ ફિલ્મમાં લેખન અને સંવાદોના સંદર્ભમાં ફરી પાછી આવી છે, ફિલ્મની કહાની અગાઉના ભાગ મુજબ કેટલીક વિગતોમાં ડિટેલ્સમાં ખેચવામાં આવી છે. આખી 200 મિનિટની ફિલ્મમાં કેટલીક જગ્યાએ એવા દૃશ્યો છે જે થોડા ખેંચાયેલા નજરે પડે છે. ફિલ્મના હિન્દી ડાયલોગ્સ સારા છે, ફાઇટ સીક્વન્સ અને એક્શન અદ્ભુત છે જેનો શ્રેય પીટર, પ્રકાશ, કેચા અને નવકંઠને જાય છે. દેવી શ્રી પ્રસાદ દ્વારા આપવામાં આવેલા બેકગ્રાઉન્ડ એક્ટર પણ સારા છે. શ્રી લીલાનું ગીત 'કિસ્સા' હોય કે પછી 'અંગારોં' ગીત આઇટમ નંબર કરે છે, તેઓ અપ ટૂ ધ પોઇન્ટ રહ્યા છે, જેનો શ્રેય ગણેશ આચાર્ય, શેખર અને વિજય બિન્નીને જાય છે.

હવે વાત કરીએ એક્ટિંગની, જેમાં ક્લાઇમેક્સમાં ફહાદ ફાઝિલ અને પુષ્પા સાથેના એક્શનની ઝલક બતાવવામાં આવી છે, જ્યારે આ ભાગમાં તેના પાત્રના ઘણા લેયર બતાવવામાં આવ્યા છે. ફહાદે ફરી એકવાર પોતાની શાનદાર એક્ટિંગથી પોતાની મહેનત બતાવી છે. અલ્લૂ અર્જૂન અને રશ્મિકાએ ફરીથી અદ્ભુત કામ કર્યું છે. ફિલ્મમાં કેટલાક જૂના પાત્રો છે અને કેટલાક નવા પાત્રોની પણ એન્ટ્રી કરવામાં આવી છે, મંગલમ શ્રીનુ અને તેની પત્ની દાક્ષાયણીની ભૂમિકા ભજવતા સુનિલ અને અનસૂયા ભારદ્વાજની એક્ટિંગ ટાઇમિંગ પણ સારી છે. ફિલ્મમાં નવા પાત્રો રાવ રમેશ અને જગપતિ બાબૂ પાસેથી ઘણી અપેક્ષાઓ હતી, પરંતુ તે પૂરી થઇ શકી નહીં. હા, પણ ક્લાઇમેક્સ થોડો વધુ ઇન્ટરેસ્ટિંગ અને ઇંટ્રેગિંગ બની શક્યો હોત. ફિલ્મના અંતે પુષ્પા 3ની જાહેરાત ક્લાઇમેક્સનું સરપ્રાઇઝ ફેક્ટર હતું.