શ્રેયસ ઐય્યર આઉટ થતા જ રિકી પોન્ટિંગ ભરાયા ગુસ્સે, દોડીને પહોંચ્યા ડ્રેસિંગ રૂમ; જુઓ વીડિયો
IPL 2025ની ક્વોલિફાયર-1 મેચમાં RCBની ટીમ સામે પંજાબ કિંગ્સ ટીમને 8 વિકેટથી શરમજનક હારનો સામનો કરવો પડ્યો, જેના કારણે તે ફાઇનલમાં સીધું સ્થાન મેળવતા ચૂકી ગઈ. હવે પંજાબ કિંગ્સની ટીમે ક્વોલિફાયર-2 મેચ રમવી પડશે. ત્યાં જો તે જીતી ગઈ તો ફાઇનલમાં પોતાનું સ્થાન સુરક્ષિત કરી શકશે. ક્વોલિફાયર-1 મેચમાં પંજાબ કિંગ્સની ટીમની હારનું સૌથી મોટું કારણ તેમની નબળી બેટિંગ હતી, જેમાં તેમણે 50 રનના સ્કોર સીધીમાં અડધી ટીમ ગુમાવી દીધી હતી. ટોપ-5 બેટ્સમેનમાંથી 4 ડબલ ડિજિટના આંકડાને પણ પાર કરી શક્યા નહોતા, જેમાં પંજાબ કિંગ્સના કેપ્ટન શ્રેયસ ઐય્યરનું નામ પણ સામેલ છે, જે માત્ર 2 રન બનાવીને જ આઉટ થઈ ગયો હતો, જ્યારે આ મેચમાં ઐય્યર અને રિકી પોન્ટિંગનો એક વીડિયો પણ વાયરલ થઈ રહ્યો છે.
RCB સામેની મેચમાં 27 રનના સ્કોર પર પંજાબ કિંગ્સે પોતાની બીજી વિકેટ ગુમાવી દીધી હતી, ત્યારે બેટિંગ કરવા આવેલા શ્રેયસ ઐય્યર પાસેથી ટીમને મોટી ઇનિંગની અપેક્ષા હતી, પરંતુ જોશ હેઝલવૂડના ઓફ સ્ટમ્પમાંથી બહાર નીકળતા બોલને રમવાનો પ્રયાસ કરતા ઐય્યર માત્ર 2 રન બનાવીને આઉટ થઈ ગયો. RCB માટે આ એક મોટી વિકેટ હતી કારણ કે ઐય્યરે આ સીઝનમાં બેટથી સારું પ્રદર્શન કર્યું છે. તો, જ્યારે શ્રેયસ ઐય્યર આઉટ થયા બાદ ડ્રેસિંગ રૂમમાં પહોંચ્યો, ત્યારે ડગઆઉટમાં બેઠેલા પંજાબ કિંગ્સ ટીમના હેડ કોચ રિકી પોન્ટિંગ પણ ગુસ્સામાં ડગઆઉટ છોડીને ડ્રેસિંગ રૂમમાં જતા જોવા મળ્યા. બંને વચ્ચે ડ્રેસિંગ રૂમનો એક વીડિયો પણ સામે આવ્યો છે જેમાં પોન્ટિંગ સ્પષ્ટપણે ઐય્યરથી ખૂબ નાખુશ દેખાઈ રહ્યા છે.
ક્વોલિફાયર-1 મેચમાં હાર બાદ, પંજાબ કિંગ્સ હવે કરો યા મરોની સ્થિતિમાં છે. લીગ સ્ટેજમાં શાનદાર પ્રદર્શન કરનાર અને નંબર-1 સ્થાન મેળવનાર પંજાબ કિંગ્સની ટીમ હવે ક્વોલિફાયર-2 મેચ રમશે જેમાં જીત તેમના માટે એકમાત્ર વિકલ્પ રહેશે કારણ કે જો તે આ મેચ હારી જાય છે, તો તેના માટે સીઝનનો અંત આવશે. ક્વોલિફાયર-2 મેચમાં પંજાબ કિંગ્સની ટીમ કઈ ટીમનો સામનો કરશે તે 30 મેના રોજ ગુજરાત ટાઇટન્સ અને મુંબઈ ઇન્ડિયન્સ વચ્ચેના એલિમિનેટર મેચના પરિણામ દ્વારા નક્કી થશે.
pic.twitter.com/CCGbmOf7zh — Nihari Korma (@NihariVsKorma) May 29, 2025
pic.twitter.com/CCGbmOf7zh
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp