પુતિન, ટ્રમ્પ સામે લડી લેવાના મૂડમાં! તેલ કંપનીઓ પર પ્રતિબંધ બાદ મોટો નિર્ણય

યુક્રેનમાં યુદ્ધ રોકવા માટે રશિયન રાષ્ટ્રપતિ વ્લાદિમીર પુતિન પર દબાણ લાવવાના પ્રયાસરૂપે અમેરિકાએ બે રશિયન તેલ કંપનીઓ, રોઝનેફ્ટ અને લુકોઇલ પર પ્રતિબંધો લાદ્યા છે. આ રશિયાની બે સૌથી મોટી તેલ કંપનીઓ છે. અમેરિકાના આ નવા પ્રતિબંધો પર ટિપ્પણી કરતા, રશિયન રાષ્ટ્રપતિ વ્લાદિમીર પુતિને સ્પષ્ટપણે કહ્યું છે કે તેઓ અમેરિકા કે અન્ય કોઈ દેશના દબાણ સામે ઝૂકશે નહીં. આ પ્રતિબંધોની રશિયન અર્થતંત્ર પર ખાસ અસર નહીં પડે. બીજી તરફ, ટ્રમ્પે પુતિનની ટીકાનો જવાબ આપતા કહ્યું કે, હું તમને બતાવીશ કે 6 મહિના બાદ શું થાય છે.

રાષ્ટ્રપતિ વ્લાદિમીર પુતિને ગુરુવારે મીડિયાને કહ્યું કે, કોઈ પણ સ્વાભિમાની દેશ ક્યારેય દબાણ હેઠળ કંઈ કરતો નથી. તેઓ (પ્રતિબંધો) ચોક્કસપણે આપણા માટે ગંભીર છે, તે સ્પષ્ટ છે. અને તેમના ચોક્કસ પરિણામો આવશે, પરંતુ તેઓ અમારા આર્થિક હિતો પર મોટી અસર નહીં નાખે.

તેમણે કહ્યું કે પ્રતિબંધો એક ગેર-મિત્રતાપૂર્ણ પગલું ગણાવ્યું, જે રશિયા-અમેરિકા સંબંધોને મજબૂત બનાવતું નથી, જે હમણાં જ પુનઃપ્રાપ્ત થવા લાગ્યા હતા. અમેરિકન રાષ્ટ્રપતિ ડોનાલ્ડ ટ્રમ્પ સાથેની વાતચીતમાં તેમણે ચેતવણી આપી હતી કે પ્રતિબંધો અમેરિકા સહિત વૈશ્વિક તેલના ભાવને અસર કરશે. પુતિને યાદ અપાવ્યું કે અમેરિકન રાષ્ટ્રપતિ ટ્રમ્પે તેમના પહેલા કાર્યકાળ દરમિયાન રશિયા સામે અત્યાર સુધીના સૌથી વધુ પ્રતિબંધો પણ લાદ્યા હતા. રશિયન નેતાના મત, આ બધા પ્રતિબંધોના બે પાસાં છે: વિશુદ્ધ રૂપે રાજકીય અને આર્થિક.

પુતિને એમ પણ કહ્યું હતું કે રશિયાના પ્રદેશ પર કોઈપણ સંભવિત ટોમાહોક હુમલાનો રશિયા ભારે નહીં તો ગંભીર જવાબ જરૂર આપશે. જ્યારે અમેરિકા યુક્રેનને મિસાઇલોનો ઉપયોગ કરવાની મંજૂરી આપવા માટે સંમત થયું નથી, ત્યારે યુક્રેન તેનો ઉપયોગ કરવાની પરવાનગી મેળવવાનો પ્રયાસ કરી રહ્યું છે તે હકીકત નોંધપાત્ર છે. પુતિને ગુરુવારે મીડિયાને જણાવ્યું હતું કે યુક્રેનની માંગ સંઘર્ષને વધારવાનો પ્રયાસ છે.પરંતુ જો આવા શસ્ત્રોનો ઉપયોગ રશિયન પ્રદેશ પર હુમલો કરવા માટે કરવામાં આવે છે, તો પ્રતિક્રિયા ખૂબ જ ગંભીર હશે,તેમને તેના વિશે વિચારવા દો."

ગુરુવારે રશિયન રાષ્ટ્રપતિ વ્લાદિમીર પુતિનની પ્રતિબંધોની ટીકાનો જવાબ અમેરિક રાષ્ટ્રપતિ ડોનાલ્ડ ટ્રમ્પે આપ્યો હતો. જ્યારે રશિયન રાષ્ટ્રપતિ દ્વારા પ્રતિબંધોની ટીકા વિશે પૂછવામાં આવ્યું ત્યારે રાષ્ટ્રપતિ ટ્રમ્પે વ્હાઇટ હાઉસ ખાતે પત્રકારોને કહ્યું કે, "મને ખુશી છે કે તેઓ આવું અનુભવે છે. હું તમને છ મહિનામાં આ વિશે જણાવીશ. ચાલો જોઈએ કે બધું કેવી રીતે આગળ વધે છે."