‘તમારી પાસે માત્ર 3-4 દિવસ, નહીં તો દુઃખદ અંત થશે’, ડોનાલ્ડ ટ્રમ્પે કોને આપી ચીમકી
અમેરિકાના રાષ્ટ્રપતિ ડોનાલ્ડ ટ્રમ્પે ગાઝામાં ચાલી રહેલા યુદ્ધને સમાપ્ત કરવાનો પ્રસ્તાવ રજૂ કર્યો છે, જેને ઇઝરાયલી વડાપ્રધાન બેન્જામિન નેતન્યાહૂએ સમર્થન આપ્યું છે. હમાસે હવે આ પ્રસ્તાવની પ્રતિક્રિયા આપવાની છે. આ દરમિયાન ટ્રમ્પે હમાસને આ પ્રસ્તાવનો જવાબ આપવા સામે કડક ચેતવણી આપી છે. તેમણે જણાવ્યું હતું કે શાંતિ યોજનાનો જવાબ આપવા માટે હમાસ પાસે 3-4 દિવસનો સમય છે, અને જો તે સહમત નહીં થાય, તો તેનો દુ:ખદ અંત આવશે.
આ યોજનામાં હમાસ પાસે હથિયાર છોડવાની માગ કરે છે, જેના બદલામાં યુદ્ધવિરામ, માનવતાવાદી સહાયતા અને ગાઝાના પુનર્નિર્માણનો વાયદો કરવામાં આવ્યો છે. જો કે, તે હાલમાં પેલેસ્ટિનિયન રાજ્યની કોઈ સ્પષ્ટ ગેરંટી આપવામાં આવી નથી. આ 20-સૂત્રિય પ્રસ્તાવ મુજબ, હમાસે 72 કલાકની અંદર તેના તમામ બંધકોને મુક્ત કરવા પડશે.
ટ્રમ્પે પોતાના નિવેદનમાં કહ્યું કે 20-સૂત્રિય શાંતિ પ્રસ્તાવનો જવાબ આપવા માટે હમાસને 3-4 દિવસનો સમય આપવામાં આવ્યો છે. આ યોજનામાં યુદ્ધવિરામ, 72 કલાકની અંદર બંધકોને મુક્ત કરવા, હમાસે તેના શસ્ત્રો છોડવા પડશે અને ગાઝામાંથી ધીમે ધીમે ઇઝરાયલીઓની વાપસી સામેલ છે.
વ્હાઇટ હાઉસ ખાતે પત્રકારો સાથે વાત કરતા ટ્રમ્પે કહ્યું કે અન્ય તમામ પક્ષો આ યોજના સાથે સંમત થયા છે, અને હવે માત્ર હમાસની રાહ જોવાઈ રહી છે. તેમણે ચેતવણી આપી કે, ‘આરબ દેશો તૈયાર છે, મુસ્લિમ દેશો તૈયાર છે, ઇઝરાયલ તૈયાર છે. હવે તે હમાસ પર નિર્ભર કરે છે. જો તેઓ આ યોજના નહીં સ્વીકારે, તો તેનો અંત ખૂબ જ દુ:ખદ રીતે આવશે.’
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp