'2024 નહીં 2029 સુધીમાં...', એક દેશ એક ચૂંટણી પર જુઓ શું કહ્યું લૉ કમિશને, જાણો વિગત
One National One Election : One Nation, One Election ને લઈને દેશભરમાં ચાલતી વિવિધ ચર્ચાઓ વચ્ચે હવે કાયદા પંચના અધ્યક્ષ રિતુ રાજ અવસ્થીનું મોટું નિવેદન સામે આવ્યું છે. રિતુ રાજ અવસ્થીએ કહ્યું કે, One Nation, One Election પહેલા સરકારે બંધારણમાં કેટલાક મહત્વપૂર્ણ ફેરફારો કરવા પડશે. રિતુ રાજ અવસ્થી કર્ણાટક હાઈકોર્ટના મુખ્ય ન્યાયાધીશ અને 22મા કાયદા પંચના અધ્યક્ષ પણ છે. સરકારે કાયદા પંચને જવાબદારી સોંપી છે કે, તે સરકારને એવી પ્રક્રિયા વિશે જણાવે કે જેના દ્વારા દેશમાં યોજાનારી ચૂંટણીઓને લાઇનમાં લાવી શકાય.
22મી લો કમિશનની બેઠક 27 સપ્ટેમ્બરે યોજાઈ હતી. જેમાં વન નેશન-વન ઈલેક્શન ની ચર્ચા થઈ હતી. લૉ કમિશનનું કહેવું છે કે તે રાજ્યોની વિધાનસભાઓનો કાર્યકાળ વધારીને અથવા ઘટાડીને તમામ વિધાનસભા ચૂંટણીઓ એકસાથે કરાવવાની ફોર્મ્યુલા પર કામ કરી રહ્યું છે. જો બધુ બરાબર રહ્યું તો 2029ની લોકસભા ચૂંટણીની સાથે તમામ રાજ્યોની ચૂંટણીઓ યોજાઈ શકે છે.
રિતુ રાજ અવસ્થીએ One Nation, One Election માટે સમયમર્યાદા આપવાનો ઇનકાર કર્યો હતો. કેન્દ્ર સરકારે એક દેશ, એક ચૂંટણી ( One Nation, One Election )ની શક્યતાઓને લઈને દેશના પૂર્વ રાષ્ટ્રપતિ રામનાથ કોવિંદની અધ્યક્ષતામાં એક સમિતિની રચના કરી છે. આ સમિતિ દેશમાં ચૂંટણીની શક્યતાઓ અને તેના અમલીકરણ પર કામ કરી રહી છે. આ સમિતિની રચના બાદથી સમગ્ર દેશમાં તેના ફેરફારો અને રાજકારણ, બંધારણ અને સમગ્ર દેશના સંઘીય માળખા પરની અસરને લઈને ચર્ચા શરૂ થઈ ગઈ છે.
કાયદા પંચના અધ્યક્ષ રિતુ રાજે જણાવ્યું હતું કે, દેશભરમાં એકસાથે ચૂંટણી ક્યારે થશે તે હજુ કહી શકાય તેમ નથી. આ માટે સમયરેખા આપી શકાતી નથી અને આ સમયરેખા નક્કી કરવી શક્ય નથી. અમે તેની કાનૂની શક્યતાઓ શોધવા માટે કામ કરી રહ્યા છીએ, કારણ કે આમ કરવું અશક્ય નથી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp