છ વખત વિલંબીત થયા પછી આખરે એક્સિઓમ-4 એ ISS માટે ઉડાન ભરી! શુભાંશુ શુક્લાએ રચ્યો ઇતિહાસ
છ વખત વિલંબ અને મુલતવી થયા પછી, ભારતના શુભાંશુ શુક્લાને લઈ જતું એક્સિઓમ-4 મિશન સફળતાપૂર્વક લોન્ચ થયું છે. ખાનગી અવકાશ મિશનનું પ્રક્ષેપણ ફ્લોરિડામાં નાસાના કેનેડી સ્પેસ સેન્ટર ખાતે લોન્ચ કોમ્પ્લેક્સ 39A થી સવારે 2:31 EDT - બપોરે 12:01 IST વાગ્યે થયું. એક્સિઓમ-૪ મિશન લોન્ચ ૧૪૦ કરોડ ભારતીયો માટે ગર્વ, આનંદ અને ઉત્સાહનો વિષય છે કારણ કે શુભાંશુ આ મિશનમાં પાઇલટ છે.
ક્રૂ ડ્રેગન અવકાશયાન સ્વચાલિત હોવા છતાં, પાઇલટ અને કમાન્ડર પાસે ઘણી જવાબદારીઓ છે.આ ઉપરાંત મિશન કમાન્ડર પેગી વ્હિટસન છે, જે નાસામાં વ્યાપક અનુભવ ધરાવતી મહિલા છે, જે હવે એક ખાનગી કંપની એક્સિઓમ-૪માં હ્યુમન સ્પેસ ફ્લાઇટ ડિરેક્ટર તરીકે કાર્યરત છે. અન્ય બે ક્રૂ સભ્યો, પોલેન્ડના સ્લોવજ ઉઝનાન્સ્કી-વિસ્નીવસ્કી અને હંગેરીના ટિબોર કાપુ, બંને મિશન નિષ્ણાત છે, એટલે કે તેઓ પ્રયોગો કરે છે.
વાયુસેનાના ગ્રુપ કેપ્ટન અને ભારતીય અવકાશયાત્રી શુભાંશુ શુક્લાએ આજે એટલે કે બુધવારે ઇતિહાસ રચ્યો. રાકેશ શર્મા પછી તેઓ અવકાશમાં જનારા બીજા ભારતીય બન્યા છે, જેમણે 41 વર્ષ પહેલાં સતત આઠ દિવસ પૃથ્વીની પરિક્રમા કરી હતી. એક્સિઓમ-૪ મિશન અવકાશ માટે રવાના થયું છે. લોન્ચ દરમિયાન શુભાંશુના માતા-પિતાની આંખોમાં આંસુ હતા. તેમણે કહ્યું કે સમગ્ર દેશને તેના પર ગર્વ છે.
પ્રધાનમંત્રી નરેન્દ્ર મોદીએ કહ્યું કે તેઓ (શુભાંશુ શુક્લા) ૧.૪ અબજ ભારતીયોની ઇચ્છાઓ, આશાઓ અને આકાંક્ષાઓ લઈને ગયા
ગ્રૂપ કેપ્ટન શુભાંશુ શુક્લાએ કહ્યું, "નમસ્તે, મારા પ્રિય દેશવાસીઓ! આ કેવી સફર છે! આપણે 41 વર્ષ પછી ફરી એકવાર અવકાશમાં પાછા ફર્યા છીએ. આ એક અદ્ભુત યાત્રા છે. આપણે પૃથ્વીની આસપાસ 7.5 કિલોમીટર પ્રતિ સેકન્ડની ઝડપે પરિક્રમા કરી રહ્યા છીએ. મારા ખભા પરનો ત્રિરંગો ધ્વજ મને કહે છે કે હું તમારા બધા સાથે છું. મારી આ યાત્રા આંતરરાષ્ટ્રીય અવકાશ મથક (ISS) ની શરૂઆત નથી, પરંતુ ભારતના માનવ અવકાશ કાર્યક્રમની શરૂઆત છે. હું ઇચ્છું છું કે તમે બધા આ યાત્રાનો ભાગ બનો. તમારી છાતી પણ ગર્વથી ફૂલી જાય... આવો, આપણે બધા સાથે મળીને ભારતના માનવ અવકાશ કાર્યક્રમની શરૂઆત કરીએ. જય હિંદ! જય ભારત!
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp