શું પાકિસ્તાને આપણાં રાફેલ જેટને તોડી પાડ્યો? એર માર્શલનો જવાબ સાંભળીને તમારી છાતી પહોળી થઈ જશે
ત્રણેય સેનાઓએ ઓપરેશન સિંદૂર પર પ્રેસ કોન્ફરન્સ યોજી હતી અને જણાવ્યું હતું કે પહેલગામના ગુનેગારોને કેવી રીતે સજા આપવામાં આવી હતી. આ દરમિયાન, જ્યારે સેનાને એક પ્રશ્ન પૂછવામાં આવ્યો કે પાકિસ્તાની સેના દાવો કરી રહી છે કે તેણે ભારતીય વાયુસેનાના રાફેલ જેટને તોડી પાડ્યું છે. આ અંગે તમારે શું કહેવું છે? એર માર્શલે એવો જવાબ આપ્યો કે સાંભળીને તમને ગર્વ થશે. તેમણે સ્પષ્ટતા કરી કે ભારતીય વાયુસેનાના તમામ રાફેલ જેટ સુરક્ષિત છે અને પાકિસ્તાનનો દાવો સંપૂર્ણપણે પાયાવિહોણો છે.
એર માર્શલ એ.કે. ભારતીએ જણાવ્યું હતું કે, પહેલગામના જવાબમાં, 7 મેના રોજ, સશસ્ત્ર દળોએ પાકિસ્તાન અને પાકિસ્તાન અધિકૃત કાશ્મીર (PoK)માં આતંકવાદી છાવણીઓને નિશાન બનાવી હતી, જેમાં લગભગ 100 આતંકવાદીઓ માર્યા ગયા હતા. આગામી થોડા દિવસો સુધી ચાલુ રહેલા ગોળીબારમાં ઓછામાં ઓછા 40 પાકિસ્તાની સૈનિકો પણ માર્યા ગયા. અમે તેમના કેટલાક વિમાનોને પણ તોડી પાડ્યા છે. આગામી દિવસોમાં ખબર પડી જશે. એર માર્શલ એ.કે. ભારતીએ કહ્યું કે, તેમના વિમાનોને આપણી સરહદમાં પ્રવેશતા અટકાવવામાં આવ્યા હતા. અલબત્ત, અમે કેટલાક વિમાનોને તોડી પાડ્યા છે. નિશ્ચિત રૂપે તેમના પક્ષે ભારે નુકસાન થયું છે, જે અમે પહોંચાડ્યું છે, પરંતુ અમે અત્યારે સંખ્યા નહીં બતાવી શકીએ, કારણ કે આપણે હજુ પણ યુદ્ધની સ્થિતિમાં છીએ. એટલું ચોક્કસ છે કે આપણે ગમે તે પદ્ધતિઓ અને સાધન પસંદ કર્યા, તેમણે દુશ્મનને ખૂબ નુકસાન પહોંચાડ્યું છે. કેટલા લોકો માર્યા ગયા? કેટલા ઇજાગ્રસ્ત થયા? અમારું ઉદ્દેશ્ય મૃતદેહોની ગણતરી કરવાનો નથી. આ કામ તેમના પર છોડી દો.
ત્યારબાદ, જ્યારે તેમને રાફેલ ફાઇટર પ્લેન અને ભારતને થયેલા નુકસાન બાબતે પૂછવામાં આવ્યું, ત્યારે એર માર્શલે કહ્યું, હું માત્ર એટલું જ કહી શકું છું કે અમે અમારા લક્ષ્યો પ્રાપ્ત કર્યા છે અને અમારા બધા પાઇલટ્સ ઘરે પરત ફર્યા છે. તેમણે કહ્યું, શું આપણે આતંકવાદી છાવણીઓનો નાશ કરવાનો અમારો ઉદ્દેશ્ય પ્રાપ્ત કર્યો છે, અને તેનો જવાબ 'હા' છે. આખી દુનિયા પરિણામ જોઈ રહી છે.
એર માર્શલ એકે ભારતીએ કહ્યું કે, એવું નક્કી કરવામાં આવ્યું હતું કે હુમલો ત્યાં કરવામાં આવે, જ્યાં મહત્તમ નુકસાન થાય. અમે યોજનાબદ્ધ રીતે હુમલો કર્યો. સમગ્ર પશ્ચિમી મોરચામાં પાકિસ્તાનના એરબેઝ, કમાન્ડ સેન્ટર, આર્મી ઈન્ફ્રાસ્ટ્રક્ચર અને એર ડિફેન્સ સિસ્ટમને નિશાન બનાવવામાં આવી હતી. અમે જે સ્થળો પર હુમલો કર્યો તેમાં ચકલાલા, રફીક, રહીમ યાર ખાનનો સમાવેશ થાય છે. તેનાથી સ્પષ્ટ સંદેશ ગયો કે આક્રમકતા સહન કરવામાં નહીં આવે. ત્યારબાદ સરગોધા, ભૂલરી અને જેકોબાબાદમાં હુમલા થયા. અમારી પાસે આ સ્થળોએ અને વધુ સ્થળોએ દરેક સિસ્ટમને નિશાન બનાવવાની ક્ષમતા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp