શું તમે જાણો છો કપિલ શર્માનું અસલી નામ, પીઢ અભિનેતાએ કર્યો ખુલાસો
દિગ્ગજ બોલિવુડ એક્ટર અન્નુ કપૂરે તાજેતરમાં ANIને આપેલા ઇન્ટરવ્યૂમાં પોતાના જીવન વિશે ઘણી વાતો કરી હતી. તેમણે પોતાના ફિલ્મી કરિયર વિશે પણ ઘણી વાતો કહી. આ દરમિયાન અન્નુ કપૂરે કોમેડિયન કપિલ શર્મા વિશે પણ એક રસપ્રદ વાત કહી હતી. અન્નુ કપૂરે કપિલ શર્માના અસલી નામને લઇને એક કિસ્સો સંભળાવ્યો હતો. ચાલો તમને જણાવીએ કે અન્નુ કપૂરે શું કહ્યું.
તમને જણાવી દઇએ કે કપિલ શર્માનું સાચું નામ કપિલ કુમાર પુંજ છે. તેનું સાચું નામ કપિલ શર્મા નથી. અન્નુ કપૂરે પોડકાસ્ટમાં ખુલાસો કર્યો છે કે કપિલનું અસલી નામ કપિલ કુમાર પુંજ છે. અન્નુએ કહ્યું કે મને જેવી જ ખબર પડી, મેં તરત જ કપિલને ફોન કર્યો અને પૂછ્યું કે શું ખરેખર આવું છે. તો તેના પર કપિલે કહ્યું કે હા પાજી એવું જ છે, મારું સાચું નામ કપિલ કુમાર પુંજ છે. દુનિયા મને કપિલ શર્મા તરીકે ઓળખે છે. મારા ફેન્સ પણ મને કપિલ શર્માના નામથી ઓળખે છે. કપિલ વિશે એ જાણ્યા બાદ, ઘણા ચાહકો તેના પર વિશ્વાસ કરી શકતા નથી, જો કે ઘણા લોકો અગાઉથીથી જ તે જાણતા હતા.
બોલિવુડ એક્ટર અન્નુ કપૂરે પણ તાજેતરના એક ઇન્ટરવ્યૂમાં પોતાના જીવનના ઘણા પાસાઓ વિશે વાત કરી હતી. આ પોડકાસ્ટમાં તેમણે ન માત્ર પ્રિયંકા ચોપરાનો ઉલ્લેખ કર્યો, પરંતુ રાજકારણીઓ અને તેમના અંગત અનુભવો પર પણ ખુલીને ચર્ચા કરી હતી. અન્નુ કપૂરે કહ્યું કે જ્યારે રાજનેતાઓ કહે છે કે તેઓ જનતાની સેવા કરવા માટે કામ કરી રહ્યા છે તો તે મોટું જૂઠ્ઠાણું છે. પોતાની વાતને આગળ વધારતા તેમણે એમ પણ કહ્યું કે તેઓ એક્ટિંગ તરફ વળ્યા કારણ કે તેમને પૈસાની જરૂર હતી.
પોતાના પિતાના સંઘર્ષનો ઉલ્લેખ કરતા તેમણે કહ્યું હતું, 'મારા પિતાએ તેમના જીવનનો મોટો ભાગ થિયેટરમાં કામ કરવામાં અને તંબુઓમાં રહેવામાં વિતાવ્યો હતો. મારી માતા 40 રૂપિયા કમાવવા માટે દરરોજ 7 કિલોમીટરની મુસાફરી કરતી હતી. તેથી, મને પૈસાની જરૂર હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp