કેનેડામાં વધુ એક ભારતીયની ગોળી મારીને કરાઇ હત્યા, પોલીસ બોલી- ‘એમ લાગે છે કે..’
કેનેડામાં ભારતીયો પર હુમલા સતત વધતાં જઇ રહ્યા છે. કેનેડામાં ભારતીય મૂળના વધુ એક વ્યક્તિની હત્યાની ઘટના સામે આવી છે. આ ઘટના કેનેડાના બ્રિટિશ કોલમ્બિયામાં થઈ છે. ભારતીય મૂળના 28 વર્ષીય યુવાનની ગોળી મારીને હત્યા કરી દેવામાં આવી છે. તેને ટારગેટ કિલિંગની ઘટના માનવામાં આવી રહી છે. પોલીસનું કહેવું છે કે, ‘એમ લાગી રહ્યું છે કે ભારતીયોને પસંદ કરી કરીને નિશાનો બનાવવામાં આવી રહ્યા છે.’ પોલીસે મુજબ, આ મામલે 4 લોકોની ધરપકડ કરી લેવામાં આવી છે અને તેમના પર ફર્સ્ટ ડિગ્રી હત્યાનો કેસ નોંધવામાં આવ્યો છે.
રોયલ કેનેડિયન માઉન્ટેન પોલીસે જાહેર કરેલા નિવેદનમાં કહ્યું કે, ‘મૃતકની ઓળખ યુવરાજ ગોયલના રૂપમાં કરવામાં આવી છે. શુક્રવારે સવારે પોલીસને કેનેડાના સર્રેમાં ગોળી ચાલવાની સૂચના આપવામાં આવી.’ યુવરાજ (Yuvraj Goyal)ની બહેન ચારુએ જણાવ્યું કે, તેનો ભાઈ સર્રેમાં કાર ડીલરશિપનું કામ કરતો હતો. તેનું કહેવું છે કે તેને કોઈ અંદાજો નથી કે તેની હત્યા કેમ કરવામાં આવી. યુવરાજના બનેવી બવનદીપનું કહેવી છે કે, ગોળી લાગવા અગાઉ યુવરાજ ફોન પર પોતાની માતા સાથે વાત કરી રહ્યો હતો. તે જિમથી આવ્યો હતો અને જેવો જ કારથી બહાર નીકળ્યો, તેના પર ગોળી ચલાવી દીધી.
પોલીસે આ મામલે 4 શંકાસ્પદ લોકોની ધરપકડ કરી છે, જેમાં મનવીર બસરામ (ઉંમર 23 વર્ષ), સાહિબ બસરા (ઉંમર 20 વર્ષ), હરકીરત (ઉંમર 23 વર્ષ) અને કોલોન ફ્રાન્સિસ (ઉંમર 20 વર્ષ) સામેલ છે. ઉલ્લેખનીય છે કે યુવરાજ સ્ટુડન્ટ વિઝા પર વર્ષ 2019માં કેનેડા પહોંચ્યો હતો. તેને હાલમાં જ કેનેડિયન પરમેનેન્ટ રેસિડેન્ટ (PR) સ્ટેટસ આપવામાં આવ્યું હતું. 28 વર્ષીય યુવરાજ સેલ્સ એક્ઝિક્યૂટિવ તરીકે કામ કરતો હતો. તેના પિતા રાજેશ ગોયલ એક બિઝનેસમેન છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp