વડાપ્રધાન નરેન્દ્ર મોદીના કેટલા ભાઈ બહેન, જાણો કોણ શું કરે છે?

દેશના વડાપ્રધાન નરેન્દ્ર મોદી આજે તેમનો 75મો જન્મદિવસ ઉજવી રહ્યા છે. આ વિશેષ પ્રસંગે દેશના રાષ્ટ્રપતિ દ્રૌપદી મુર્મુથી લઈને દરેક નેતા અને મંત્રી તેમને જન્મદિવસની શુભેચ્છા પાઠવી રહ્યા છે. આ વિશેષ પ્રસંગે આજે આપણે વડાપ્રધાન નરેન્દ્ર મોદીના ભાઈ-બહેનો વિશે બાબતે જાણીશું અને અને એ પણ જાણીશું કે તેઓ બધા શું કરે છે?

વડાપ્રધાન નરેન્દ્ર મોદીની રાજકીય યાત્રા આજે વિશ્વભરમાં ચર્ચાનો વિષય હોઈ શકે છે, પરંતુ તેમના પારિવારિક જીવનની ખાણી સામાન્ય ભારતીય પરિવાર જેવી જ છે. ગુજરાતના વડનગરમાં જન્મેલા નરેન્દ્ર મોદી 6 ભાઈ-બહેનોમાં ત્રીજા નંબર પર છે. તેમના પિતા દામોદરદાસ મોદી અને માતા હિરાબેને, જ્યારે એક સાધારણ જીવન વિતાવતા પોતાના બાળકોને સંસ્કારો અને સંઘર્ષનો પાઠ શીખવ્યો.

મોદી પરિવારના મોટા પુત્ર, સોમભાઇ મોદીએ આરોગ્ય વિભાગમાં નોકરી કરી હતી. હવે તેઓ નિવૃત્ત થઈને અમદાવાદમાં વૃદ્ધાશ્રમનું સંચાલન કરે છે.

બીજા નંબરે આવે છે અમૃતભાઇ મોદી. તેઓ ખાનગી કંપનીમાં ફિટર તરીકે કામ કરતા હતા અને ત્યાંથી નિવૃત્ત થયા છે. એક સમયે તેમનો પગાર 10 હજાર રૂપિયાથી વધુ નહોતો. આજે તેઓ અમદાવાદના એક સામાન્ય મકાનમાં પરિવાર સાથે રહે છે. તેમના પત્ની ચંદ્રકાંતબેન ગૃણીની છે, જ્યારે પુત્ર સંજય એક નાનો ધંધો કરે છે. વડાપ્રધાન નરેન્દ્ર મોદી સાથેની તેમની મુલાકાત પણ ખૂબ મર્યાદિત રહી છે.

ત્રણ નંબર પર છે વડાપ્રધાન નરેન્દ્ર મોદી. નરેન્દ્ર મોદી રાષ્ટ્રની સ્વયંસેવક સંઘમાં જોડાયા અને રાજકારણમાં પ્રવેશ કર્યો. ગુજરાતના મુખ્યમંત્રી તરીકે 12 વર્ષ કામ કર્યા બાદ તેઓ વર્ષ 2014માં દેશના વડાપ્રધાન બન્યા. આજે તેઓ ભારતના સૌથી પ્રભાવશાળી નેતાઓમાં ગણાય છે.

પ્રહલાદ મોદી નાના ભાઈ. તેઓ અમદાવાદમાં કરિયાણાની દુકાન અને ટાયરનો શૉરૂમ ચલાવે છે. તેઓ સામાજિક ગતિવિધિઓમાં પણ સક્રિય છે. પત્ની ભાગવતીબેનના મૃત્યુ બાદ પણ, તેમણે કુટુંબ અને સમાજની જવાબદારીઓને સંભાળવાનું ચાલુ રાખ્યું.

એકમાત્ર બહેન વસંતીબેન હસમુખલાલ મોદી. તેઓ મોદી પરિવારના એકમાત્ર બહેન છે. તેઓ ગૃહિણી છે અને તેમના પતિ હસમુખલાલે ભારતીય જીવન વીમા નિગમમાં કામ કરતા હતા. વસંતીબેન હંમેશાં ઘરેલું જવાબદારીઓમાં વ્યસ્ત રહ્યા છે.

સૌથી નાના ભાઈ પંકજ મોદી છે. તેઓ ગાંધીગરમાં રહે છે અને ગુજરાત માહિતી વિભાગમાં અધિકારી છે. માતા હિરાબેનના જીવનના છેલ્લા વર્ષે તેમની સાથે રહેતા હતા. એટલે વડાપ્રધાન નરેન્દ્ર મોદી જ્યારે પણ માતાને મળવા આવતા હતા ત્યારે પંકજભાઈ સાથે મુલાકાત થતી રહેતી હતી.