સામે આવી રહી હતી ટ્રેન અને ટ્રેક પર ફસાયો હતો વૃદ્ધ, વીડિયોમાં જુઓ GRP જવાને કેવી રીતે બચાવ્યો જીવ
વાપી રેલવે સ્ટેશન પર એક મોટી દુર્ઘટના ઘટતા ઘટતા ટળી ગઈ. રેલવે સુરક્ષા પોલીસના જવાને (GRP) સાહસ અને કર્તવ્યની ભાવના દેખડતા મંગળવારે વાપી રેલવે સ્ટેશન પર એક વૃદ્ધ વ્યક્તિને ટ્રેનથી કચડાઈ જતાં બચાવી લીધો. આ સાહસિક ઘટનાનો વીડિયો સ્ટેશન પર લાગેલા CCTV કેમેરામાં કેદ થઈ ગયો. વીડિયો ફૂટેજમાં દેખાઈ રહ્યું છે કે ઘણા લોકો વાપી રેલવે સ્ટેશન પર એક પ્લેટફોર્મથી બીજા પ્લેટફોર્મ પર જવા માટે ટ્રેક પાર કરી રહ્યા છે. એ આપણાં દેશમાં રેલવે સ્ટેશનો પર સરળતાથી જોવા મળી જાય છે.
આ દરમિયાન વીડિયોમાં એક વૃદ્ધ વ્યક્તિ પ્લેટફોર્મ પર ચઢવા માટે સંઘર્ષ કરતો નજરે પડી રહ્યો છે, પરંતુ તે નિષ્ફળ થઈ જાય છે. ઘટનાસ્થળ પર ફરજ બજાવતા GRP જવાન તેની મદદ કરતો દેખાઈ રહ્યો છે. વીડિયોમાં સ્પષ્ટ જોઈ શકાય છે કે, એક વૃદ્ધ વ્યક્તિ ટ્રેક પાર કરી રહ્યો છે. આ દરમિયાન રેલવે સ્ટેશન અને એક ટ્રેક પર સુરત-બાંદ્રા ટર્મિનસ ઇન્ટરસિટી સાંજે 6:00 વાગ્યાની આસપાસ સ્ટેશનમાં પ્રવેશ કરી રહી છે. જેવી જ ટ્રેન નજીક આવે છે, વૃદ્ધ વ્યક્તિ લડખડાતો ટ્રેક વચ્ચે પડી જાય છે. ઘટનાસ્થળ પર ઊભો GRP જવાન પ્લેટફોર્મથી છલાંગ લગાવીને વૃદ્વ વ્યક્તિ તરફ દોડીને પહોંચે છે. જવાન ખૂબ ચપળતા દેખાડતો ટ્રેન પહોંચવા અગાઉ એ વ્યક્તિને પકડીને ટ્રેકથી દૂર ખેચી લે છે અને એક મોટો અકસ્માત ટળી જાય છે અને ટ્રેન પસાર થઈ જાય છે.
जीआरपी जवान को सलाम! जान जोखिम में डालकर बुजुर्ग की बचाई जान.. pic.twitter.com/fm2EFFaOcJ — Deep Raj Deepakᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠᅠ (@DeepRajDeepak1) November 23, 2023
जीआरपी जवान को सलाम! जान जोखिम में डालकर बुजुर्ग की बचाई जान.. pic.twitter.com/fm2EFFaOcJ
GRP જવાનની ઓળખ વિરાભાઈના રૂપમાં થઈ છે. તેમણે વૃદ્ધ મુસાફરને બચાવવા માટે પોતાનો જીવ જોખમાં નાખ્યો, પછી તેમણે પ્લેટફોર્મ પર પરત લાવવામાં મદદ કરી. લોકોને ટ્રેક પાર કરવા વિરુદ્ધ ચેતવણી આપવા અને દંડ છતાં રેલવે તેના પર લગામ લગાવવામાં નિષ્ફળ રહ્યું છે. મહિલાઓ અને બાળકો સહિત યાત્રી થોડી મિનિટ બચાવવા માટે મોટાભાગે આ ખતરનાક રસ્તાનો ઉપયોગ કરે છે. છેલ્લા કેટલાક વર્ષોમાં સ્ટેશનો પર લગાવવામાં આવેલા CCTV કેમેરામાં સુરક્ષાકર્મીઓ અને ઘટનાસ્થળ પર ઉપસ્થિત લોકો દ્વારા સુરક્ષાને જોખમમાં નાખનારા યાત્રીઓનો જીવ બચાવવાની ઘણી ઘટનાઓ કેદ થઈ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp