સાઉથ એક્ટ્રેસ હેમાની ક્રાઇમ બ્રાન્ચે કરી ધરપકડ, જાણો શું છે મામલો
બેંગ્લોર રેવ પાર્ટી કેસમાં ક્રાઇમ બ્રાન્ચે સોમવારે તેલુગુ એક્ટ્રેસ હેમાની ધરપકડ કરી છે. આ અગાઉ પોલીસની CCBએ હેમા સહિત 8 લોકોને નોટિસ પાઠવી હતી. હેમાની પૂછપરછ બાદ તેની ક્રાઇમ બ્રાન્ચે ધરપકડ કરી લીધી છે. શહેરના બાહ્ય વિસ્તારમાં આયોજિત એક રેવ પાર્ટીમાં સામેલ લગભગ 86 લોકોના બ્લડ સેમ્પલમાં ડ્રગની પુષ્ટિ થઈ હતી. તેમાં એક્ટ્રેસ હેમા પણ સામેલ હતી. આ સંબંધમાં ક્રાઇમ બ્રાન્ચે પૂછપરછ કર્યા બાદ તેની ધરપકડ કરી લીધી.
આ રેવ પાર્ટી પર બેંગ્લોર પોલીસના એન્ટિ નાર્કોટિક્સ ડિવિઝને છાપેમારી કરી હતી, જેમાં ઘણા લોકો સામેલ હતા. પોલીસે ઘટનાસ્થળ પરથી 73 પુરુષ અને 30 મહિલાઓને કસ્ટડીમાં લીધી હતી, જેમાંથી 2 તેલુગુ એક્ટ્રેસ પણ સામેલ હતી. આ બધાના બ્લડ સેમ્પલ લેવામાં આવ્યા હતા. રિપોર્ટ આવ્યા બાદ 59 પુરુષોના બ્લડ સેમ્પલ્સમાં ડ્રગ્સની પુષ્ટિ થઈ છે, જ્યારે 27 મહિલાઓના બ્લડ સેમ્પલ્સમાં પણ ડ્રગ્સની પુષ્ટિ થઈ. કુલ મળીને પાર્ટીમાં ઉપસ્થિત 103માંથી 86 લોકોએ ડ્રગ્સનું સેવન કર્યું હતું.
રેવ પાર્ટી પર ઇલેક્ટ્રોનિક સિટી પોલીસે છાપેમારી કરી હતી. ત્યારબાદ મામલો CCBને ટ્રાન્સફર કરી દેવામાં આવ્યો હતો. આ અગાઉ આ કેસ હેબ્બાગોડી પોલીસ સ્ટેશનમાં પણ ટ્રાન્સફર થયો હતો. અહી 104 લોકો વિરુદ્ધ કેસ નોંધવામાં આવ્યો છે. ઘટનાસ્થળ પરથી 14.40 ગ્રામ MDMA ગોળીઓ, 1.16 ગ્રામ MDMA ક્રિસ્ટલ, 6 ગ્રામ હાઇડ્રો કેનબિસ, 5 ગ્રામ કોકીન, કોકીન લાગેલી 500 રૂપિયાની નોટ, 5 ગ્રામ હાઇડ્રો ગાંજો, 5 મોબાઈલ ફોન, 2 વાહન, 1.5 કરોડ રૂપિયાનું મ્યુઝિક સિસ્ટમ વગેરે જપ્ત કરવામાં આવ્યું હતું.
ક્રાઇમ બ્રાન્ચે 20 મેના રોજ રેવ પાર્ટી પર છાપેમારી કરી હતી. રાત્રે 2:00 વાગ્યા સુધી ચાલનાર આ કાર્યક્રમ જન્મદિવસની પાર્ટીની આડમાં આયોજિત કરવામાં આવી રહ્યો હતો. આ પાર્ટીમાં વધુ એક તેલુગુ એક્ટ્રેસ આશી રોયને પોલીસે કસ્ટડીમાં લીધી હતી. જો કે, તેણે કહ્યું હતું કે, તેને એ જાનકરી નહોતી કે કયા પ્રકારની પાર્ટી ચાલી રહી છે. તેના બ્લડ સેમ્પલમાં ડ્રગ્સની પુષ્ટિ થઈ નહોતી. તેણે દાવો કર્યો કે, તે પાર્ટીમાં હાજર હતી, પરંતુ તેને ખબર નહોતી કે અંદર શું ચાલી રહ્યું છે. તથાકથિત ફાર્મ હાઉસ માલિક કોન કાર્ડના માલિક ગોપાલ રેડ્ડી છે અને પાર્ટીનું આયોજન હૈદરાબાદના એક વ્યક્તિ વાસુએ કરી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp