ટ્રાફિક જામના કારણે યુવકને થયો યુવતી સાથે પ્રેમ અને કર્યા લગ્ન, જાણો આ રસપ્રદ પ્રેમકહાની વિશે
મોટા શહેરોમાં ટ્રાફિક જામ એ ભારતમાં સામાન્ય સમસ્યા છે. અવારનવાર કોઈને કોઈક ઈન્ટરસેક્શન પર ટ્રાફિકની સમસ્યામાંથી પસાર થવું પડે છે. આવી સ્થિતિમાં લોકો પણ ખૂબ પરેશાન થઈ જાય છે. પરંતુ આ ટ્રાફિક જામે એક વ્યક્તિનું જીવન બદલી નાખ્યું. ટ્રાફિક જામના કારણે એક વ્યક્તિને તેનો લાઈફ પાર્ટનર મળી ગયો. આ અંગે ખુદ વ્યક્તિએ ખુલાસો કર્યો છે. તેમની એક પોસ્ટ સોશિયલ મીડિયા પર વાયરલ થઈ રહી છે. એક Reddit યુઝરે જણાવ્યું કે કેવી રીતે તે બેંગ્લોરના જામમાં ફસાઈને એક છોકરી સાથે પ્રેમમાં પડ્યો અને પછીથી તે જ છોકરી સાથે લગ્ન કરી લીધા.
એક Reddit યુઝરે લખ્યું કે એક દિવસ તે એક મહિલા મિત્રને ક્યાંક મૂકવા જઈ રહ્યો હતો. સોની વર્લ્ડ સિગ્નલ નજીક આવતાં જ તે લાંબા જામમાં ફસાઈ ગયા હતા. તેમણે વધુમાં લખ્યું છે કે ઈજીપુરા ફ્લાયઓવરનું નિર્માણ કાર્ય ચાલી રહ્યું હતું, જેના કારણે લાંબો ટ્રાફિક જામ થયો હતો.
યુઝરે કહ્યું- અમને ભૂખ લાગી હતી. તેથી અમે અમારો રસ્તો બદલીને બીજો રસ્તો લીધો અને નજીકની હોટેલમાં ડિનર લીધું. રાત્રિનું આ ડિનર બંનેનું પહેલું રોમેન્ટિક ડિનર પણ બન્યું. યુઝરે આગળ લખ્યું કે મેં જે છોકરી સાથે ડિનર કર્યું તેની સાથે મારી સારી મિત્રતા થઇ ગઈ. તે દિવસ પછી અમે એકબીજાની નજીક આવ્યા. લગભગ 3 વર્ષ સુધી તેને ડેટ કર્યો અને પછી તે જ છોકરી સાથે લગ્ન કર્યા.
યુઝરે જણાવ્યું કે તેના લગ્નને 2 વર્ષ પૂરા થયા છે. જો કે, જેના કારણે તે જામમાં અટવાઈ ગયો હતો તે ફ્લાયઓવરનું નિર્માણ કાર્ય હજુ ચાલુ છે. Reddit પર કરવામાં આવેલી પોસ્ટ ટ્વિટર પર શેર કરવામાં આવી હતી જ્યાં પોસ્ટને 4,000 થી વધુ લાઈક્સ મળી છે. કેટલાક યુઝર્સ કોમેન્ટ કરીને પોતાનો અભિપ્રાય પણ આપી રહ્યા છે. યુઝર્સ આ અનોખી લવ સ્ટોરી પર અલગ-અલગ પ્રકારના ફીડબેક આપી રહ્યા છે. કેટલાક લોકોએ બેંગ્લોરના ટ્રાફિક જામને લઈને પોતાના અનુભવો પણ શેર કર્યા છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp