આથિયા શેટ્ટી-કેએલ રાહુલનું ઘર ખુશીઓથી ગુંજી ઉઠ્યું, સુનિલ શેટ્ટી બની ગયા નાના
બોલિવુડ અભિનેત્રી આથિયા શેટ્ટી અને કે.એલ. રાહુલે 24 માર્ચ, 2025ના રોજ તેમના પહેલા બાળકનું સ્વાગત કર્યું. લગ્નના 2 વર્ષ બાદ, સુનિલ શેટ્ટીની પુત્રીએ પોતાના પહેલા બાળકને જન્મ આપ્યો છે. આ કપલે પોતે જ પોતાના સોશિયલ મીડિયા પર એક સુંદર પોસ્ટ શેર કરીને ચાહકોને આ ખુશખબર આપી છે. આથિયા શેટ્ટીએ એક દીકરીને જન્મ આપ્યો છે. હવે આથિયા અને કે.એલ. એક દીકરીના માતા-પિતા બની ગયા છે. આથિયાએ 8 નવેમ્બર 2024ના રોજ પોતાની પ્રેગ્નેન્સીની જાહેરાત કરી હતી અને કહ્યું હતું કે તે એપ્રિલ 2025માં બાળકને જન્મ આપશે.
આથિયા અને રાહુલે ઇન્સ્ટાગ્રામ પર એક પોસ્ટ શેર કરી, જેમાં લખ્યું છે, 'બ્લેસ્ડ વિધ બેબી ગર્લ... 24.03.2025.' જેવા જ કપલે આ સમાચાર શેર કર્યા, તેમના અભિનંદન પાઠવનારા લોકોની ભીડ ઉમટી પડી. તેમને સૌપ્રથમ અભિનંદન આપનારાઓમાં કિયારા અડવાણી, અર્જૂન કપૂર, ટાઇગર શ્રોફ, મૃણાલ ઠાકુર હતા. તોનાના બનનાર સુનિલ શેટ્ટીએ પણ પોતાની પુત્રી અને જમાઈને અભિનંદન આપીને ખુશી વ્યક્ત કરી. અભિનેત્રીની આ પોસ્ટ હવે ઝડપથી વાયરલ થઈ રહી છે.
View this post on Instagram A post shared by Athiya Shetty (@athiyashetty)
A post shared by Athiya Shetty (@athiyashetty)
ઉલ્લેખનીય છે કે, રાહુલની ઇન્ડિયન પ્રીમિયર લીગ (IPL)ની ટીમ દિલ્હી કેપિટલ્સની સોમવારે લખનૌ સુપર જાયન્ટ્સ સામે મેચ હતી. જોકે, ક્રિકેટર પોતાની પત્ની સાથે હોવાને કારણે આ મેચમાં રમી શક્યો નહોતો. બીજી તરફ, રાહુલે તાજેતરમાં ચેમ્પિયન્સ ટ્રોફીમાં ન્યૂઝીલેન્ડ સામે ટીમ ઈન્ડિયાની જીતમાં મુખ્ય ભૂમિકા ભજવી હતી. સોમવારે પોતાની ટીમની પહેલી IPL મેચ મિસ કર્યા બાદ, તે ટૂંક સમયમાં મેદાનમાં પાછો ફરે તેવી અપેક્ષા છે.
કામની વાત કરીએ તો, આથિયાએ વર્ષ 2015માં ફિલ્મ 'હીરો' થી પોતાની અભિનય કારકિર્દીની શરૂઆત કરી હતી, જેમાં સૂરજ પંચોલી મુખ્ય ભૂમિકામાં હતા. ત્યારબાદ, તેણે અનિલ કપૂર, અર્જૂન કપૂર, ઇલિયાના ડી'ક્રૂઝ, નેહા શર્મા અને રત્ના પાઠક શાહ સાથે 'મુબારકા'માં કામ કર્યું. તે છેલ્લી વખત 2019માં રીલિઝ થયેલી 'મોતીચૂર ચકનાચૂર' માં જોવા મળી હતી, જેમાં નવાઝુદ્દીન સીદ્દિકી પણ હતા.
આથિયા શેટ્ટીની કેએલ રાહુલ સાથે પહેલી મુલાકાત વર્ષ 2019માં એક કોમન ફ્રેન્ડ દ્વારા થઇ હતી. આ મુલાકાત બાદ, બંનેએ વાત કરવાનું ચાલું કર્યું અને સારા મિત્રોમાંથી તેઓ લવબર્ડ્સ બની ગયા. ત્યારબાદ, સૌથી લોકપ્રિય કપલે આખરે 23 જાન્યુઆરી, 2023ના રોજ સુનિલ શેટ્ટીના ખંડાલા ફાર્મહાઉસમાં લગ્ન કરી લીધા. આ દંપતીએ પોતાના પરિવારના સભ્યો અને નજીકના મિત્રોની હાજરીમાં 7 ફેરા લીધા હતા. લગ્ન પહેલા તેઓ 4 વર્ષ સુધી એક-બીજાને ડેટ કરી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp