યુઝવેન્દ્ર ચહલ અને ધનશ્રી વર્માના છૂટાછેડા પર આવી ગયો કોર્ટનો નિર્ણય

યુઝવેન્દ્ર ચહલ અને ધનશ્રી વર્માના છૂટાછેડા પર આવી ગયો કોર્ટનો નિર્ણય

03/20/2025 Glamour

SidhiKhabar

SidhiKhabar

યુઝવેન્દ્ર ચહલ અને ધનશ્રી વર્માના છૂટાછેડા પર આવી ગયો કોર્ટનો નિર્ણય

ભારતીય ટીમના સ્પિનર ​​યુઝવેન્દ્ર ચહલ અને ધનશ્રી વર્માના છૂટાછેડા થઈ ગયા છે. ચહલ અને ધનશ્રીના લગ્ન ડિસેમ્બર 2020 માં થયા હતા. હવે, લગભગ 4 વર્ષના લગ્નજીવન બાદ, બંને સત્તાવાર રીતે અલગ થઈ ગયા છે. ધનશ્રી અને ચહલના છૂટાછેડાનો કેસ બાંદ્રા ફેમિલી કોર્ટમાં ચાલી રહ્યો હતો. તેમના છૂટાછેડાનો નિર્ણય ગુરુવારે બપોરે આવ્યો છે.

ચહલ અને ધનશ્રીએ પરસ્પર સંમતિથી છૂટાછેડા લીધા છે. આ બંને વચ્ચે પહેલી વાતચીત સોશિયલ મીડિયાના માધ્યમથી થઈ હતી. ચહલ અને ધનશ્રી સોશિયલ મીડિયાના માધ્યમથી મિત્ર બન્યા અને પછી લગ્ન કરી લીધા. પરંતુ આ સંબંધ લાંબો સમય ટકી શક્યા નહીં. અહેવાલો મુજબ, ચહલે ધનશ્રીને ભરણપોષણ તરીકે 4.75 કરોડ રૂપિયા ચૂકવવા પડશે. તે આમાંથી 2.37 કરોડ રૂપિયા આપી ચૂક્યો છે.


ચહલ અને ધનશ્રી વચ્ચે કેમ વધ્યું અંતર

ચહલ અને ધનશ્રી વચ્ચે કેમ વધ્યું અંતર

યુઝવેન્દ્ર ચહલે એક પોડકાસ્ટમાં કહ્યું હતું કે, તે ધનશ્રી પાસેથી ડાન્સ શીખવા માગે છે. એટલા માટે તેણે ધનશ્રી સાથે વાત કરવાનું ચાલુ કર્યું. યુઝવેન્દ્ર અને ધનશ્રીના લગ્ન 22 ડિસેમ્બર 2020ના રોજ ગુડગાંવમાં થયા હતા. પરંતુ થોડા સમય બાદ જ અંતર વધવા લાગ્યું. ચહલ અને ધનશ્રીએ કોર્ટને જણાવ્યું કે તેઓ બંને જૂન 2022 થી અલગ રહે છે. ધનશ્રી અને ચહલ કેમ અલગ થયા તે હજુ સુધી બહાર આવ્યું નથી. ધનશ્રીએ થોડા મહિના અગાઉ તેના ઇન્સ્ટાગ્રામ એકાઉન્ટ પરથી ચહલની અટક હટાવી દીધી હતી. ત્યારબાદ, તેમના છૂટાછેડાની ચર્ચા શરૂ થઈ.


ચહલે સોશિયલ મીડિયા પરથી ડીલિટ કરી દીધા હતા ધનશ્રીના ફોટા

ચહલે સોશિયલ મીડિયા પરથી ડીલિટ કરી દીધા હતા ધનશ્રીના ફોટા

યુઝવેન્દ્ર ચહલે થોડા મહિના અગાઉ ઇન્સ્ટાગ્રામ પરથી ધનશ્રી સાથેના બધા ફોટા ડીલિટ કરી દીધા હતા. જોકે, ધનશ્રીએ તેમ ન કર્યું. ચહલના આ પગલા બાદ, છૂટાછેડાની ચર્ચા ફરી શરૂ થઈ. બંનેએ આ વર્ષે 5 ફેબ્રુઆરીએ છૂટાછેડાનો કેસ દાખલ કર્યો હતો.


તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.

Join WhatsApp

Comments

Top