‘વિઝા કેન્સલ, પાકિસ્તાનીઓને શોધીને...’, અમિત શાહે બધા મુખ્યમંત્રીઓ સાથે વાત કરીને આપ્યા નિર્દેશ
મંગળવારે જમ્મુ-કાશ્મીરના પહેલ ગામમાં આતંકવાદીઓએ ધર્મ પૂછી પૂછીને લોકોની હત્યા કરી દીધી. આ ઘટનામાં 26 લોકોના મોત થયા હતા જ્યારે 17 જેટલા લોકો ઇજાગ્રસ્ત થઈ ગયા હતા. આ ઘટના બાદ આખા દેશના લોકોની આખો ભીની છે. સાથે જ આ ઘટના બાદ લોકોમાં રોષ પણ જોવા મળી રહ્યો છે. ભારત સરકાર પણ સતત એક્શન મોડમાં નજરે પડી રહી છે. ભારતે સિંધુ જળ સંધિ રદ કરવા સાથે જ કેટલાક મોટા નિર્ણયા પણ લીધા છે. તો ગઇકાલે જ રક્ષામંત્રી એકનાથ સિંહાની અધ્યક્ષતામાં સર્વદળીય બેઠક પણ બોલાવવામાં આવી હતી. હવે કેન્દ્રિય ગૃહ મંત્રાલયે મોટો નિર્ણય લીધો છે.
ગૃહ મંત્રાલયે પાકિસ્તાન સાથે જોડાયેલા તમામ વિઝા કેન્સલ કરવાના નિર્દેશ આપ્યા છે. આ સંદર્ભમાં ગૃહમંત્રી અમિત શાહે તમામ રાજ્યોના મુખ્યમંત્રીઓ સાથે વાત કરી છે. અમિત શાહે મુખ્યમંત્રીઓને કહ્યું છે કે, પોત પોતાના રાજ્યોમાંથી પાકિસ્તાનના લોકોને શોધીને વહેલી તકે પાકિસ્તાન મોકલી આપો. ગૃહમંત્રીએ અધિકારીઓ સાથેની બેઠક બાદ આ નિર્ણય લીધો છે.
પહેલગામમાં થયેલા આતંકી હુમલા બાદ ભારત સરકાર સતત એક્શન મોડમાં છે. આ હુમલા બાદ ભારત સરકારે સૌથી પહેલા ભારત-પાકિસ્તાન વચ્ચે થયેલી સિંધુ જળ સંધિને રદ કરી દીધી હતી. ભારતે પાકિસ્તાનને ઔપચારિક પત્ર લખીને સિંધુ જળ સંધિને રદ કરવાની સૂચના આપી હતી. વડાપ્રધાન મોદીની અધ્યક્ષતામાં બુધવારે થયેલી સુરક્ષા બાબતો સાથે જોડાયેલી કેબિનેટ કમિટીની બેઠકમાં કઠોર નિર્ણય લેવામાં આવ્યા હતા, જેમાં સિંધુ જળ સંધિને રદ કરવાનો નિર્ણય પણ સામેલ છે. ભારત પાકિસ્તાન વચ્ચે 1960થી સિંધુ જળ સંધિ લાગૂ છે. સિંધુ નદીને પાકિસ્તાનની લાઈફ લાઇન માનવમાં આવે છે. લગભગ 21 કરોડ કરતા વધુની વસ્તી પાણીની જરૂરિયાત પૂરી કરવા માટે સિંધુ અને તેની સહાયક નદીઓ પર નિર્ભર છે.
આ સિવાય અટારી બોર્ડરને બંધ કરવાનો પણ નિર્ણય લીધો છે. ભારત આવેલા પાકિસ્તાની નાગરિકોને આ રસ્તાથી પરત ફરવા માટે 1 મે સુધીનો સમય આપવામાં આવ્યો છે. ભારતમાં પાકિસ્તાની હાઈકમિશનમાં તૈનાત પાકિસ્તાની ડિફેન્સ એડવર્ટાઈઝર્સને દેશ છોડવા માટે એક અઠવાડિયાનો સમય આપવામાં આવ્યો છે. સાથે જ બંને હાઇ કમિશનમાં તૈનાત કર્મચારીઓની સંખ્યા 50માંથી ઘટાડીને 30 કરી દીધી હતી.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp