હજાર રૂપિયાનું ખાધા બાદ વેઇટરને આપી 2 લાખ રૂપિયાની ટીપ, હવે મામલો ગયો કોર્ટમાં, જાણો
જો તમે વારંવાર રેસ્ટોરન્ટમાં ખાવાનું ખાવા જાવ છો, તો તમે કોઈ સમયે વેઈટરને ટિપ આપી હશે અથવા તો તમે કોઈને ટિપ આપતા જોયા જ હશે. સામાન્ય રીતે આવા લોકો 50-100 રૂપિયા ટીપમાં આપે છે. વધારેમાં વધારે તો 200-300 રૂપિયા, પરંતુ શું તમે સાંભળ્યું છે કે કોઈએ એક હજાર રૂપિયાનું ભોજન ખાધું હોય અને 2 લાખ રૂપિયા ટીપમાં આપ્યા હોય. તમને આનાથી આશ્ચર્ય થશે, પરંતુ આ સાચું છે. આવો અમે તમને સમગ્ર મામલાની વિગતે જણાવીએ.
આ સમગ્ર મામલો અમેરિકાથી બહાર આવ્યો છે. રિપોર્ટ અનુસાર, પેન્સિલવેનિયામાં અલ્ફ્રેડો કેફે નામની રેસ્ટોરન્ટ છે. મરિયાના લેમ્બર્ટ નામની મહિલા વેઈટર અહીં કામ કરે છે. એક વ્યક્તિએ રેસ્ટોરન્ટમાં લગભગ 1000 નું ફૂડ ખાઈને બે લાખથી વધુની ટિપ આપી. એવું કહેવામાં આવ્યું હતું કે ગ્રાહકે 'ટિપ્સ ફોર જીસસ' અભિયાનથી પ્રેરિત થઈને આ કર્યું હતું, પરંતુ લગભગ ત્રણ મહિના પછી, ગ્રાહકે રેસ્ટોરન્ટને મોટો ઝટકો આપ્યો.
અત્યાર સુધીમાં તમે સમજી જ ગયા હશો કે ગ્રાહકે એક હજાર રૂપિયાના ફૂડ પર બે લાખ રૂપિયાની ટીપ કેમ આપી? હવે અમે તમને એ પણ જણાવીશું કે આ વ્યક્તિએ ત્રણ મહિના પછી રેસ્ટોરન્ટમાંથી તેના પૈસા પણ પાછા માંગ્યા હતા. એરિક નામના ગ્રાહકે રેસ્ટોરન્ટને પત્ર મોકલીને ટીપના પૈસા પરત કરવા કહ્યું હતું. મીડિયા રિપોર્ટ્સ અનુસાર, ગ્રાહકે ક્રેડિટ કાર્ડ ચાર્જ અને બેક નિયમોને ટાંકીને રિફંડ માટે દાવો કર્યો હતો.
રેસ્ટોરન્ટે ગ્રાહકનો સંપર્ક કરવાનો પ્રયાસ કર્યો, પરંતુ કોઈ ફાયદો થયો નહીં. એરિક પૈસા પાછા લેવા પર અડગ હતો. હવે રેસ્ટોરન્ટે કોર્ટનો દરવાજો ખટખટાવ્યો છે. રેસ્ટોરન્ટના મેનેજર જેકી જેકબસન કહે છે, ગ્રાહકની કાર્યવાહીથી ખૂબ જ નિરાશ છીએ. મને લાગ્યું કે કોઈ ખરેખર સારું કામ કરી રહ્યું છે, પરંતુ આ ઘટનાએ અમારો વિશ્વાસ તોડી નાખ્યો છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp