IMDએ એલર્ટ જાહેર કર્યું ; ગુજરાત માટે આગામી 5 દિવસ 'ગંભીર', મહારાષ્ટ્રના ઘણા વિસ્તારોમાં પણ યલો એલર્ટ જાહેર
ગુજરાત ડેસ્ક : ભારતીય હવામાન વિભાગ (IMD) અનુસાર, આગામી થોડા દિવસોમાં મહારાષ્ટ્ર અને ઉત્તરાખંડ સહિત દેશના ઘણા ભાગોમાં ભારે વરસાદની સંભાવના છે. IMD એ આ રાજ્યોના ઘણા ભાગોમાં ભારે વરસાદની ચેતવણી જારી કરી છે. આ ઉપરાંત આગામી પાંચ દિવસ દરમિયાન ગુજરાત અને મધ્યપ્રદેશના કેટલાક વિસ્તારોમાં ભારેથી અતિભારે વરસાદ પડવાની સંભાવના છે. બીજી તરફ આંધ્રપ્રદેશના શ્રીકાકુલમ જિલ્લામાં ભારે વરસાદ બાદ પાણી ભરાઈ ગયા હતા, જેના કારણે સામાન્ય જનજીવન ખોરવાઈ ગયું હતું.
ભારતીય હવામાન વિભાગ (IMD) એ મુંબઈ, થાણે અને સિંધુદુર્ગ સહિત મહારાષ્ટ્રના ભાગો માટે યલો એલર્ટ જાહેર કર્યું છે. સોમવારે રાત્રે મુંબઈના કેટલાક ભાગોમાં વરસાદ પડ્યો હતો અને મુંબઈના સાયન વિસ્તારમાં વરસાદ બાદ પાણી ભરાયેલા જોવા મળ્યા હતા. ભારતીય હવામાન વિભાગ (IMD) એ ઉત્તરાખંડના ગઢવાલ અને કુમાઉ પ્રદેશોના વિવિધ વિસ્તારોમાં ભારેથી અતિ ભારે વરસાદ માટે રેડ એલર્ટ જાહેર કર્યું છે. ઉત્તરાખંડના જિલ્લાઓમાં છૂટાછવાયા સ્થળોએ વાવાઝોડું અને વીજળી પડવાની શક્યતા છે. મંગળવારે આંધ્રપ્રદેશના શ્રીકાકુલમ જિલ્લામાં ભારે વરસાદને કારણે હાઈવે અને રહેણાંક વિસ્તારો પાણીમાં ગરકાવ થઈ ગયા હતા.
હવામાન વિભાગના જણાવ્યા અનુસાર આગામી બે-ત્રણ દિવસમાં રાજસ્થાનના ઘણા ભાગોમાં મધ્યમથી ભારે વરસાદની શક્યતા છે. હવામાન વિભાગના પ્રવક્તાએ જણાવ્યું કે, આ સિસ્ટમના પ્રભાવ હેઠળ પૂર્વ રાજસ્થાનના મોટાભાગના વિસ્તારોમાં આગામી ચાર-પાંચ દિવસ સુધી હળવાથી મધ્યમ વરસાદની શક્યતા છે. જ્યારે 13-15 સપ્ટેમ્બરના સમયગાળા દરમિયાન, કોટા, જયપુર, ઉદયપુર અને ભરતપુર વિભાગના જિલ્લાઓમાં છૂટાછવાયા સ્થળોએ ભારે વરસાદ થવાની સંભાવના છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp