મજબૂરી કે કંઈક બીજું! મોદી મંત્રીમંડળમાંથી રાજીનામું આપનાર પશુપતિ પારસની NDAમાં વાપસી? જાણો કારણ
બિહાર NDAમાં સીટોની વહેચણી અને લોકસભાની ચૂંટણીમાં ભાજપ પર છળ કરવાનો આરોપ લગાવીને NDA છોડનાર પૂર્વ કેન્દ્રીય મંત્રી અને રાષ્ટ્રીય લોજપાના રાષ્ટ્રીય અધ્યક્ષ પશુપતિ પારસે ફરી ઘર વાપસી કરી લીધી છે. પશુપતિ પારસે દિલ્હીમાં ભાજપના રાષ્ટ્રીય અધ્યક્ષ જે.પી. નડ્ડા સાથે મુલાકાત કરી હતી. સોમવારે મોડી રાત્રે થયેલી મુલાકાત સાથે તેમની પાર્ટીના પ્રદેશ અધ્યક્ષ પ્રિન્સ રાજ પણ ઉપસ્થિત હતા. આ મુલાકાત દરમિયાન પશુપતિએ લોકસભાની ચૂંટણીમાં NDAના પક્ષમાં પોતાનું સમર્થન અને પોતાની આસ્થા વ્યક્ત કરી.
આ મુલાકાત ખૂબ મહત્ત્વની માનવામાં આવી રહી છે કેમ કે લોકસભાની ચૂંટણીમાં ટિકિટ કપાયા બાદ એ વાતના અનુમાન લગાવવામાં આવી રહ્યા હતા કે પશુપતિ પારસ NDAથી અલગ થઈને ચૂંટણી મેદાનમાં ઉતરી શકે છે. આ અનુમાનોને બળ ત્યારે મળ્યું, જ્યારે પોતાની નારાજગી વ્યક્ત કરતાં કહ્યું હતું કે રાજનીતિ સાધુઓની જમાત હોતી નથી અને અમે જલદી જ ભવિષ્ય બાબતે પોતાના કાર્યકર્તાઓ સાથે પટનામાં મુલાકાત કરીને નિર્ણય લઈશું. જાણકારો કહે છે કે, આ દરમિયાન પશુપતિએ સમર્થકો તરફથી RJD સાથે સંપર્કમાં હોવા અને વાતચીત કરવાનો પ્રયાસ કરવામાં આવ્યો, પરંતુ વાત ન બની.
બીજી તરફ પશુપતિ પારસે કેન્દ્રીય મંત્રીમંડળમાંથી પોતાનું રાજીનામું આપીને પોતાની નારાજગી વ્યક્ત કરી દીધી હતી, પરંતુ જાણકારો મુજબ, પાર્ટીની અંદર મોટો પક્ષ અને અહી સુધી કે પરિવારની અંદર પણ ભત્રીજો પ્રિન્સ રાજ અને તેમના સમર્થકો ઇચ્છતા હતા કે રાષ્ટ્રીય લોજપા દરેક સ્થિતિમાં NDA સાથે જ રહે. ભલે તેને લોકસભાની ચૂંટણીમાં એક પણ ટિકિટ ન આપવામાં આવી હોય. છતા આપણે સંગઠન મજબૂત કરીએ, પોતાનો પ્રભાવ વધારવા અને એક દોઢ વર્ષની મહેનત બાદ આગામી વિધાનસભાની ચૂંટણી માટે પોતાની પાર્ટીને મજબૂત કરીએ, જેથી એ સમયે વિધાનસભાની ચૂંટણીમાં સન્માનજનક સીટો મળે.
આ અનુસંધાને હોળીના અવસર પર પ્રિન્સ રાજે ભાજપના બિહાર પ્રભારી વિનોદ તાવડે સાથે પણ મુલાકાત કરી હતી. બીજી તરફ પશુપતિ પારસે પણ પ્રિન્સ રાજને જ વાતચીત કરવાની જવાબદારી સોંપી દીધી હતી, એવામાં સોમવારે રાત્રે પ્રિન્સરાજની પહેલ પર જ બિહાર ભાજપના પ્રભારી વિનોદ તાવડેની ઉપસ્થિતિમાં ભાજપના રાષ્ટ્રીય અધ્યક્ષ જે.પી. નડ્ડા સાથે પશુપતિની મુલાકાત થઈ અને મુલાકાત બાદ પશુપતિ પારસે ફરી એ વાતની જાહેરાત કરી કે તેઓ NDA સાથે રહેશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp