રોહિત, ગિલ, બૂમરાહ પાસ થયા કે નાપાસ? સામે આવ્યું ફિટનેસ ટેસ્ટનું પરિણામ
ટેસ્ટ ક્રિકેટમાંથી નિવૃત્તિ લીધા બાદ, રોહિત શર્માના ODI ક્રિકેટમાં ભવિષ્ય વિશે અટકળો ચાલી રહી છે. એવા દાવા કરવામાં આવી રહ્યા છે કે ઓસ્ટ્રેલિયા પ્રવાસ પર ODI શ્રેણી સાથે તેની સફરનો અંત આવી શકે છે. પરંતુ તે પ્રવાસ માટે તેની પસંદગી પહેલાં ફિટનેસનો સવાલપણ ઉઠતો રહ્યો અને આ સવાલનો જવાબ આપવા માટે, ભારતીય ODI ટીમના કેપ્ટન રોહિત શર્મા બેંગલુરુ પહોંચ્યા, જ્યાં તેમને ફિટનેસ ટેસ્ટમાંથી પસાર થવું પડ્યું. અહેવાલો અનુસાર, આ પરીક્ષાનું પરિણામ પણ સામે આવ્યું અને રોહિતે કોઈપણ સમસ્યા વિના આ પરીક્ષામાં પાસ થઈ ગયો.
ઘણા દિવસોના વિરામ બાદ, રોહિત શર્મા ઉપરાંત ટેસ્ટ ટીમના કેપ્ટન શુભમન ગિલ, સ્ટાર ફાસ્ટ બોલર જસપ્રીત બૂમરાહ અને અન્ય ઘણા ખેલાડીઓ બેંગ્લોરમાં BCCIના સેન્ટર ઓફ એક્સેલન્સમાં ફિટનેસ ટેસ્ટ માટે પહોંચ્યા હતા. અહીં શનિવાર અને રવિવારે બે દિવસ માટે બધા ખેલાડીઓની ટેસ્ટ લેવામાં આવી. BCCIએ તાજેતરમાં ખેલાડીઓની ફિટનેસ તપાસવા માટે યો-યો ટેસ્ટની સાથે બ્રોન્કો ટેસ્ટનો પણ સમાવેશ કર્યો છે. હાલમાં તે સ્પષ્ટ નથી કે આ ખેલાડીઓની બ્રોન્કો ટેસ્ટ થઈ હતી કે નહીં, પરંતુ અહેવાલો અનુસાર, બધા ખેલાડીઓએ યો-યો ટેસ્ટ જરૂર કરાવી હતી.
રેવસ્પોર્ટ્સના એક અહેવાલ મુજબ, રવિવાર, 31 ઓગસ્ટે ફિટનેસ ટેસ્ટનો બીજો દિવસ હતો અને ODI કેપ્ટન રોહિત શર્મા સહિત તમામ ખેલાડીઓની યો-યો ટેસ્ટ થઈ હતી. મોટાભાગના લોકોની નજર રોહિત પર હતી કારણ કે તે IPL 2025ના અંત પછી લગભગ 3 મહિના સુધી કોઈપણ પ્રકારની ક્રિકેટ એક્શનથી દૂર હતો. પરંતુ અહેવાલોમાં દાવો કરવામાં આવ્યો છે કે સ્ટાર બેટ્સમેન કોઈપણ મુશ્કેલી વિના ફિટનેસ ટેસ્ટ પાસ કરી લીધી. એટલું જ નહીં, ટેસ્ટ પૂર્ણ થયા બાદ, રોહિત શર્મા મુંબઈ પાછો ફર્યો અને તેના તરફથી બહાર આવેલા વીડિયોમાં ‘હિટમેન’ એકદમ ફિટ દેખાતો હતો.
માત્ર રોહિત જ નહીં, પરંતુ ઇંગ્લેન્ડ પ્રવાસ પર અસરકારક પ્રદર્શન કરનાર ફાસ્ટ બોલર પ્રસિદ્ધ કૃષ્ણાએ પણ ફિટનેસ ટેસ્ટમાં ભાગ લીધો હતો. અહેવાલ મુજબ, ફાસ્ટ બોલરે ટેસ્ટ દરમિયાન ખૂબ પ્રભાવિત કર્યા અને સારો સ્કોર બનાવ્યો. જોકે તેનો સ્કોર શું હતો, તે હાલમાં જાહેર કરવામાં આવ્યું નથી. આ ઉપરાંત, શુભમન ગિલ, જસપ્રીત બૂમરાહ અને અન્ય ખેલાડીઓએ પણ ફિટનેસ ટેસ્ટમાં ભાગ લીધો અને તેમાં પાસ થયા. આ બંને ખેલાડીઓ એશિયા કપ ટીમનો ભાગ છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp