પૂરી રીતે સળગેલી પીડિતાએ સંભળાવી આપવીતી, બોલી- ‘પોલીસને કહેજે સિલિન્ડર ફાટ્યો હતો, પતિએ મને..’
ઉત્તર પ્રદેશના સહારનપુરના થાણા દેહાત કોતવાલી વિસ્તારમાં આવેલા દાબકી ગુર્જર ગામમાંથી એક હૃદયદ્રાવક ઘટના સામે આવી છે. સોશિયલ મીડિયા પર એક મહિલાનો વીડિયો ઝડપથી વાયરલ થઈ રહ્યો છે, જેમાં તે પોતાના પર થયેલા અત્યાચારની આપવીતી કહી રહી છે. વાયરલ વીડિયો જિલ્લા હોસ્પિટલનો હોવાનું કહેવાય છે, જ્યાં મહિલા સારવાર હેઠળ હતી. તેની ગંભીર સ્થિતિને જોતા હાયર સેન્ટરમાં રિફર કરવામાં આવી હતી.
વીડિયોમાં પીડિતા કહે છે કે તેના સાસરિયાઓએ તેને સળગાવીને મારવાનો પ્રયાસ કર્યો હતો અને બાદમાં તેના પણ દબાણ કરવામાં આવ્યું કે, તે ગેસ સિલિન્ડર લીક થવાને કારણે આ ઘટના બની હોવાની વાત કરે.. પોલીસે વીડિયોની નોંધ લીધી અને તાત્કાલિક કેસ નોંધીને તપાસ શરૂ કરી દીધી છે.
વાયરલ વીડિયોમાં પીડિતાએ પોતાનું નામ રાશિકા બતાવ્યું હતું. તેણે કહ્યું કે તે નાકુરની રહેવાસી છે અને 2014માં દાબકી ગુર્જર ગામમાં લગ્ન થયા હતા. એવો આરોપ છે કે તેના પતિએ દારૂના નશામાં તેના પર તેલ રેડીને તેને આગ લગાવી દીધી હતી. જ્યારે તેની સાસુ અને દિયર ઘટનાસ્થળે હાજર હતા, પરંતુ કોઈએ તેને બચાવવાનો પ્રયાસ ન કર્યો.
મહિલાએ જણાવ્યું કે આગ લાગ્યા બાદ, તેણે કોઈક રીતે પોતાના કપડાં ફાડીને પોતાનો જીવ બચાવ્યો. ત્યારબાદ તેને હોસ્પિટલમાં લાવવામાં આવી, જ્યાં તેના પરિવારના સભ્યોએ તેના પર કોરા કાગળ પર સહી કરવા અને જૂઠું બોલવા દબાણ કર્યું. તેમણે તેને કહ્યું કે, ‘જો પોલીસ પૂછે તો તેમને કહેજે કે ગેસ સિલિન્ડર ફૂટ્યો હતો. રાશિકાએ એમ પણ કહ્યું કે તેનો પતિ દરરોજ નશો કરે છે, તેને માર મારે છે અને તેના બાળકોને પણ છીનવી લે છે. SP સિટી વ્યોમ બિંદલે જણાવ્યું હતું કે ગંભીર કલમો હેઠળ કેસ નોંધવામાં આવ્યો છે અને પોલીસ આરોપીઓ સામે કડક કાર્યવાહી કરી રહી છે.
કોતવાલી દેહાત પોલીસ સ્ટેશનના દાબકી ગુર્જર ગામમાં એક કેસ પ્રકાશમાં આવ્યો છે, જ્યાં હોસ્પિટલમાં દાઝી ગયેલી મહિલાની સારવાર ચાલી રહી છે. તેનો દાવો છે કે તેના સાસરિયાઓએ તેને સળગાવીને મારી નાખવાનો પ્રયાસ કર્યો હતો. આ મામલે સંબંધિત કલમો હેઠળ કેસ નોંધવામાં આવ્યો છે અને ટૂંક સમયમાં જરૂરી કાર્યવાહી કરવામાં આવશે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp