World Cupમાં ભારતનું 'બ્રહ્માસ્ત્ર' કોણ? હરભજન સિંહે રોહિત સેનાના આ ખેલાડી પર ખેલ્યો દાવ
તમામ ક્રિકેટ ચાહકો 5 ઓક્ટોબરથી ભારતીય ધરતી પર શરૂ થવા કઈ રહેલા વર્લ્ડ કપ 2023ની આતુરતાથી રાહ જોઈ રહ્યા છે. BCCIએ 15 સભ્યોની ટીમ પણ ફાઈનલ કરી છે. એવામાં હવે દરેક પૂર્વ ખેલાડી પોતાના મનપસંદ ખેલાડી વિશે ભવિષ્યવાણી કરી રહ્યા છે અને પૂર્વ ક્રિકેટર હરભજન સિંહે પણ પોતાના વિચારો વ્યક્ત કર્યા છે.
વર્લ્ડ કપ વિશે વાત કરતાં હરભજન સિંહે સૂર્યકુમાર યાદવને ભારત માટે સૌથી મોટું બ્રહ્માસ્ત્ર ગણાવ્યું છે. તેમનું માનવું છે કે સૂર્યા ભારત માટે એક્સ ફેક્ટર સાબિત થશે. તે એક એવો બેટ્સમેન છે જે પોતાના શોટ્સથી રમતને બદલી નાખશે જે પરંપરાથી અલગ છે.
હરભજન સિંહે એક વાતચિત દરમિયાન સૂર્યકુમાર યાદવની પ્લેઈંગ-11 છે એ સાથે ટીમને છૂટ મળશે કે રવિન્દ્ર જાડેજાને જરૂર મુજબ ટોપ પર રમાડવામાં આવે અને જો જરૂર પડે તો સૂર્યા ટોપ પર રમે. ODI વર્લ્ડ કપ 2011ની વિશ્વ વિજેતા ટીમના મુખ્ય ખેલાડીઓમાં સામેલ ભજ્જીએ કહ્યું- સૂર્યા એવો બેટ્સમેન છે જે 30-40 બોલમાં 60-70 રન બનાવશે.
'વિરાટ કોહલી, શુભમન ગિલ અને શ્રેયસ અય્યર લગભગ સમાન બેટ્સમેન છે. તે સિંગલ-ડબલ્સમાં રન બનાવવામાં માને છે, પરંતુ સૂર્યા એક મજબૂત સ્ટ્રાઇક રેટ ધરાવતો બેટ્સમેન છે. રોહિત શર્માએ તેનો બ્રહ્માસ્ત્રની જેમ ઉપયોગ કરવાની જરૂર છે. જો 4 વિકેટ પડી જાય તો સૂર્યા વિકેટ ગુમાવ્યા વિના રન બનાવવાની જવાબદારી લઈ શકે છે. જો જરૂર પડે તો તે મોટા શોટથી રન બનાવી શકે છે. તે જાણે છે કે કેવી રીતે હુમલાનો સામનો કરવો.
સૂર્યકુમાર યાદવે ઓસ્ટ્રેલિયા સામેની વનડે સીરિઝમાં જોરદાર દમદાર પ્રદર્શન કર્યું હતું. મોટા ખેલાડીઓની ગેરહાજરીનો ફાયદો ઉઠાવીને તેણે બે મેચમાં અડધી સદી ફટકારી હતી. તેણે મોહાલીમાં 50 અને ઈન્દોરના હોલકર સ્ટેડિયમમાં અણનમ 72 રન બનાવ્યા હતા. સૂર્યા હાલમાં T-20 આંતરરાષ્ટ્રીય રેન્કિંગમાં ટોચ પર છે. તે છેલ્લા એક વર્ષથી T-20માં સારો દેખાવ કરી રહ્યો હતો, પરંતુ ODIમાં તેનું પ્રદર્શન અપેક્ષા મુજબનું રહ્યું ન હતું. તે આ વાત પણ સ્વીકારતો હતો, પરંતુ હવે લાગે છે કે તેણે આ ફોર્મેટમાં પણ સારું રમી શકે છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp