Iran-Israel Conflcit: આ હસીનાએ ઈરાની અધિકારીઓના હોશ ઉડાવ્યા, પહેલા હુસ્નના દિવાના બનાવ્યા અને પછી..
Mossads Female Spy: આ કોઈ કાલ્પનિક જાસૂસી ફિલ્મ નથી, પરંતુ એક વાસ્તવિકતા છે જેણે સમગ્ર મધ્ય પૂર્વ અને દુનિયામાં હાહાકાર મચાવી દીધી છે. ઈરાનની રાજધાની તેહરાનથી સામે આવેલા આ ખુલાસામાં બતાવવામાં આવ્યું છે કે કેવી રીતે ઈઝરાયલની ગુપ્તચર એજન્સી મોસાદે તેના સૌથી સાહસિક મિશનમાંથી એકને અંજામ આપ્યો અને તે પણ એક મહિલા એજન્ટ દ્વારા, જેણે ન માત્ર દુશ્મન દેશમાં ઘૂસણખોરી કરી, પરંતુ અધિકારીઓના સૌથી અંગત જીવન સુધી પહોંચ બનાવી.
આ એજન્ટનું નામ કેથરિન પેરેઝ શેકેડ છે, જે ફ્રેન્ચ મૂળની હોવાનું કહેવાય છે. તે સુંદર, તેજ અને ગુપ્તચર તાલીમમાં નિષ્ણાત હતી. 2 વર્ષ અગાઉ, તે ઈરાનમાં પ્રવેશી અને પોતાને ધાર્મિક જિજ્ઞાસુ કહીને ઈરાની સમાજમાં ભળી ગઈ. તેણે શિયા ઇસ્લામ સ્વીકાર્યો અને ધીમે-ધીમે ભરોસાની મહેમાન' બનીને ઈરાનના ઉચ્ચ અધિકારીઓના ઘરોમાં દાખલ થઈ ગઈ.
કેથરિને પહેલા ધાર્મિક શિક્ષાઓમાં રસ દાખવીને અધિકારીઓની પત્નીઓ સાથે મિત્રતા કરી. પછી તેણે વિશ્વાસનો એવો માહોલ બનાવી દીધો કે તેને ઘરના દરેક ખૂણામાં આવવા-જવાની સ્વતંત્રતા મળી ગઈ. અહીં સુધી કે ઘણા અધિકારીઓના બેડરૂમ સુધી તેની પહોંચ બની ગઈ હતી. જ્યારે ઈરાનની સુરક્ષા એજન્સીઓ સામાન્ય નાગરિકોના મોબાઈલ ફોન પણ સ્કેન કરે છે, તો કેથરિન ઘરોના ફોટા, સુરક્ષા સ્થળોનું સ્થાન અને અન્ય સંવેદનશીલ માહિતી મોસાદને મોકલી રહી હતી.
જ્યારે ઈરાન અને ઈઝરાયલ વચ્ચે તણાવ વધ્યો, ત્યારે ઈરાની અધિકારીઓ તેમના સ્થાનો બદલવા લાગ્યા. તેમને લાગ્યું કે, તેઓ હવે સુરક્ષિત છે. પરંતુ દરેક હુમલો એટલો સચોટ હતો કે જાણે કોઈ નકશો અને સમય પહેલાથી જ નક્કી હોય. તેનાથી ઈરાની ગુપ્તચર એજન્સીઓને શંકા ગઈ અને તપાસ શરૂ કરવામાં આવી.
તપાસ દરમિયાન અધિકારીઓ સાથે લેવામાં આવેલા ફોટા અને વીડિયો ફૂટેજ તપાસતા એક ચહેરો વારંવાર સામે આવ્યો અને તે હતો કેથરિન પેરેઝનો. જ્યારે તે ઘણા મહત્ત્વપૂર્ણ અધિકારીઓ સાથે ઘરના ફોટામાં દેખાઈ, ત્યારે તેની ઓળખ પાક્કી થઈ, પરંતુ જ્યારે તેની ઓળખ થઈ, ત્યારે ખૂબ મોડું થઈ ગયું હતું.
કેથરિન હવે ક્યાં છે?
હવે કેથરિન ગુમ છે. ઈરાનની ગુપ્તચર એજન્સીએ દેશભરમાં તેના પોસ્ટર અને ફોટા જાહેર કર્યા છે, પરંતુ કોઈ પુરાવા કે કોઈ અવાજ મળ્યો નથી. કેટલાક અહેવાલો અનુસાર, તે હવે બીજા દેશમાં અલગ ઓળખ સાથે રહી શકે છે. પરંતુ એ સ્પષ્ટ છે કે તે મોસાદના સૌથી સફળ અને પ્રખ્યાત જાસૂસી ઓપરેશનમાંથી એકનો ભાગ રહી છે.
તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.
Join WhatsApp