હવામાન વિભાગે રાજકોટ, જૂનાગઢ, બોટાદ, આણંદ, સુરેન્દ્રનગર જિલ્લામાં રેડ એલર્ટ જાહેર કર્યું છે. આ ઉપરાંત જામનગર, દ્વારકા, બનાસકાંઠા, કચ્છનો પણ સમાવેશ થાય છે. હાલમાં રાજ્યમાં ચોમાસાની એક્ટિવિટી ઓછી ચાલી રહી છે, જેના કારણે ગરમી ફરી વધી શકે છે. હવામાન વિભાગે કહ્યું છે કે અત્યારે ચોમાસાની ગતિવિધિ ઓછી જોવા મળશે.
હવામાન વિભાગે આજે નવસારી, છોટા ઉદેપુર, નર્મદા, તાપી, વલસાડ અને ડાંગમાં વરસાદની આગાહી સાથે યલો એલર્ટ જાહેર કર્યું છે.
25 જુલાઈએ ડાંગ, સુરત, છોટા ઉદેપુર, તાપી, નર્મદા, વલસાડમાં હળવો વરસાદ પડી શકે છે.
26 જુલાઈએ ભારે વરસાદની ચેતવણી આપવામાં આવી છે. સુરત, તાપી, નર્મદા, અમરેલી, ભાવનગર, મહિસાગર, પંચમહાલ, દાહોદ, છોટા ઉદેપુર, ભરૂચ, નવસારી, ડાંગમાં વરસાદ માટે યલો એલર્ટ જાહેર કરવામાં આવ્યું છે.
27 જુલાઈએ છોટા ઉદેપુર, પંચમહાલ, દાહોદ માટે ઓરેન્જ એલર્ટ જાહેર કરવામાં આવ્યું છે. આ સાથે જ મહેસાણા, અરવલ્લી, ખેડા, આણંદ, રાજકોટ, સુરેન્દ્રનગર, બોટાદ, અમરેલી, ભાવનગર, અમદાવાદ, પાટણ, નર્મદા, વલસાડ, નવસારી, બનાસકાંઠા, સાબરકાંઠા, ગાંધીનગર, મહિસાગર, ભરૂચ, સુરત, તાપી, ડાંગમાં વરસાદની સંભાવના છે.
28 જુલાઇએ સાબરકાંઠા, મહેસાણા, બનાસકાંઠા માટે ભારે વરસાદ સાથે ઓરેન્જ એલર્ટ જાહેર કરવામાં આવ્યું છે.
29 જુલાઈના રોજ પાટણ, અરવલ્લી, મહિસાગર, કચ્છ, નવસારી, બનાસકાંઠા, મહેસાણા, સાબરકાંઠા અને વલસાડમાં યલો એલર્ટ જાહેર કરવામાં આવ્યું છે.